Jona 1
1
1Lombe'siwi lyaŵaYawe lyaliisile kuli Jona umwana wakwe Amitai, ati: 2lma, koya kuNinife, kuli woyo-musi ukulu makosa, ukauŵilicile ukuusinina; pakuti ukuŵifya kwaŵantu aŵo kuliisile pamenso anji.
3Sombi Jona waliimine ukulukuya kuTasisi ukufyuka pamenso aŵaYawe; lomba aliile kuJopa, nekusaŋgano'bwato uŵulukuya kuTasisi; peŋka kaapatale' ndalame'syalwendo, kaeeila-mo, ukulukuya naŵo kuTasisi, ati mfume pamenso aŵaYawe.
4Sombi ŵaYawe ŵalitumine icipupu icikulu pacisiŵa, lomba kwaliŵucile nekutukala ukukulu pacisiŵa, fyopele'fyo ubwato bwati ŵukakonoke. 5Peŋka aŵoŵesi kaŵaŵa nemwenso, nekulilila ŵalesa ŵaŵo ŵonse; lomba kaŵaposa mucisiŵa ifintu fyamaŵoni ifyali mubwato, ati tuŵupufye. Sombi Jona kale aile mukati lukoso mubwato, walilele mutulo ukwakuti.
6Popele apo umwine wabwato waliisile kuli ye, nekulaŵila kuli ye ati: We, uli mutulo, mbasyani ulele? Wuka! Ulilile kuli ŵaLesa ŵoŵe, kani cipale ŵaLesa ŵakutulaŋguluka, twifwa!
7Lomba ŵalukuŵulansyanya ŵonse ati: Twendeni, ŋgatuteye ifipa ati tukesiŵe ati nipakuti pali nani kwatuficila ukukatasyo'ku. Peŋka kaŵateye'fipa; kacimwikata Jona icipa.
8Peŋka'po ŵalilaŵile kuli ye ati: Tulukukukombetela ati utuŵule ati nipakuti pali nani kwatuficila ukukatasyo'ku. Mbemilimo yoŵe ulacite'ndo? Mbolifumine kulipi? Mbakuealo cakwenu kwisa? Mbaŵesa-ŵantu aŵakwaŵenu? 9Naye kaaŵaŵula ati: Neŵo enemuEbeya; ndatonda ŵaYawe, Lesa wakwiulu, awaleŋgele necisiŵa napamutunta apomine.
10Popele aŵantu kaŵasuswo'kwakuti, nekulaŵila kuli ye ati: Mbaeindo ici ucitile? Pakuti aŵantu ŵaliisiŵile ati alifyueile pamenso aŵa Yawe, pakuti kale aŵaŵulile. 11Popele apo ŵalilaŵile kuli ye ati: Mbatukucite syani, ati eituŵele iciŵombe icisiŵa? Pakuti icisiŵa kacitukalo'kwakuti makosa.
12Naye kaalaŵila kuli ŵo ati: Njimyeni, mumpose mucisiŵa, ifyo cakumuŵeleni iciŵombe icisiŵa: pakuti ndiisiŵile ati ukutukalo'ku ukukulu kuli pali mweŵo pakuti pali neŵo. 13Naŋgawe' fyo aŵantu ŵalioŵele makosa ati tulibwesesye kumutunta; sombi kacikaŋga: pakuti icisiŵa calicilile makosa ukutukala pali ŵo.
14Pakuti pali fyefyo ŵalililile ŵaYawe, ati: Tulukumukombeteleni, mweŵaYawe, tulukumukombeteleni ati mwisumina ati tonalwe pakuti pamweo wamuntu uyu, neli kutwesya fweŵo ati ŵamulandu wamilopa iswetele; pakuti mweŵo, mweŵaYawe, mwacita koti kutemwa kwenu. 15Peŋka'po kaŵamwimya Jona, kaŵamuposa mucisiŵa; necisiŵa lomba kaeileka ukupuputwa kwaciko.
16Popele apo aŵantu ŵaliŵatondele ŵaYawa ukwakuti: nekuposo'mulambu kuli ŵaYawe, nekulapa nefilapo. 17Lomba ŵaYawe kale ŵatumine icisaŵi icikulu iciŋgamumina Jona; kaŵili Jona waliikele munda yacisaŵi utusuŵa tutatu nemasiku nao atatu.
Currently Selected:
Jona 1: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
