Joeli 1
1
1Ndi isiwi lyaŵaYawe ilyaficile kuli Joeli umwana wakwe Petuyeli.
2Kamumfwe'fi, mweŵacekulu; mulukukutika, mwense mwenjikale syamucalo. Kani ifi fyaŵa pansiku syenu, kani nipansiku syaŵawisinwe? 3Muŵaŵule aŵana ŵenu ifyakuli fyo, neŵana ŵenu naŵo ŋgaŵaŵule aŵana ŵaŵo, neŵana ŵaŵo kaŵili ŋgaŵaŵule aŵacitentekwa cimbi. 4Ifyo ifi casya iciloŋgolo, ulusye lwafilya; nafyefyo nafyo ifi lwasya ulusye, inteŋgute yafilya; nafyefyo kaŵili ifi yasya inteŋgute icisimu cafilya.
5Ŵukeni mweŵapendwesi, mulukulila; kamusowakana mwense mwemulukunwa imfaina, pakuti pamfaina yanse; pakuti yapinikwa namukanwa kenu. 6Pakuti umukoka waŵantu waninina napacalo canji, uwamakosa, uwabwinji ubwakuŵulo'kupendeka. Ameno auo meno aŋkalamu; uli nemeno amumucendwa aŋkalamu ikulu. 7Waŋgonawila umufaina wanji nekumfundila umukuyu wanji icipapwa; walifuŵula lukoso fuŵu nekuuposa; imitano yauo yaŵa tuu.
8Kamulila koti nimoye ufwite ifikundulu pakuti pawakumwambisya. 9Umulambu waŵuŋga nemulambu wakunwa wapinikwa kuŋanda yaŵaYawe; lomba aŵapapatilisi, eŵapyunjisi ŵaŵaYawe, ŵalukulila. 10Iŵala lilionawilwe, necalo nekulila; pakuti amasaka aliposaicile, nemfaina yaŵukumo nayo nekupwa, nemafuta nao nekunaka. 11Muŵe nensoni, mweŵalimi; kamusowakana mweŵalimi ŵamifaina, pakuti pali ŵatiligu namabali; pakuti ukuloŋgela ukwakwiŵala kwaonaika. 12Umufaina wauma, nemukuyu nawo nekunaka; kaŵili limono pamo nelala nemusuku, emiti yonse iyamumpaŋga yauma; pakuti ukusemba kuliuminine ukufuma muŵana ŵaŵantu.
13Kamufwala ifikundulu, mulukulila, mweŵapapatilisi; kamusowakana, mweŵakucipyunjila iconto; iseni, mulale uŵusiku ŵonse ili mufwite ifikundulu, mweŵapyunjisi ŵaŵaLesa ŵanji; pakuti umulambu waŵuŋga nemulambu wakunwa ulikenwe muŋanda yaŵaLesa ŵenu. 14Kamuswesya ukulifina, mwite iŵuŋgano lyansoni, muŵuŋganye aŵacekulu nenjikale syonse syamucalo kuŋanda yaŵaYawe Lesa wenu, mulukuŵalilila ŵaYawe. 15Lisyamo kukasuŵa ako! Pakuti akasuŵa kaŵaYawe kali apepi; kakafika koti konalwa ukufuma kuWamakosa onse. 16Kansi ifyakulya tafilipinicilwe pamenso esu, icine, ukusemba nekusaŋgalala ukufuma kuŋanda yaŵaLesa ŵesu? 17Imbuto silukuŵola pansi pamasime asiko, nefipuŋgu nafyo nekonalwa, nematala nao nekutoŵalwa; pakuti amasaka aliuminine. 18Mbokutoŋgela kwanama! Amataŋga aŋombe alukukaŋkamana, pakuti taakwete neli cembelelo; icine, amataŋga ambelele nekonalwa.
19Mweŵa Yawe ndukumulilileni mweŵo; pakuti umulilo walya ifyembelelo ifyamumpanta, necaka naco caoca imiti yonse iyamumpaŋga. 20Icine, inama isyamumpaŋga silukumupemasicileni; pakuti imiloŋga yamenda yapwa; kaŵili umulilo walya ifyembelelo ifyamumpanta.
Currently Selected:
Joeli 1: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
