Osiya 14
14
1WeIsilaeli, bwelela kuli ŵaYawe Lesa woŵe; pakuti wawa kukusendama koŵe. 2Kamuya nemasiwi, mubwelele kuli ŵaYawe, mulaŵile kuli ŵo, ati: Mufumye ukusendama konse, musuminine ifiweme; fyopele'fyo twakutambika imilomo yesu ati niŋombe syamulambu. 3Asyuli tekuti akatupulusye; nafweŵo tekuti tukapapwe kuli ŵakafwalo; kaŵili teti tukalaŵile liŵili kuficitilwe kuminwe yesu ati, Niŵalesa ŵesu; pakuti nimuli mweŵo emo wasaŋga iŋkumbu aŵana-ŵansiwa.
4Ŋkaposya ukwaluka kwaŵo, nekulukuŵatemwa neluse, pakuti ukufitwa kwanji kwaaluka ukufuma kuli ye. 5Ŋkamuŵela Isilaeli koti cime; akasapuka koti nilendya, nekutandaŵika imisyu yakwe koti miti yaLebanoni. 6Imitano yakwe ikatandaŵala; lomba uŵulombe bwakwe ŵukaŵa koti muti walyolife, nekunuŋka kwakwe koti niLebanoni. 7Aŵo aŵalukwikala mucinto cakwe ŵakabwela, nekuŵuka koti masaka, nekusapuka koti mufaina; lomba ubwema bwakuko ŵukaŵa koti nimfaina yakuLebanoni. 8Efilayimi akalaŵila ati, Mbaneŵo mbele syani ŵukumo nefiŵumbwaŵumbwa? Naasuka-po; lomba ŋkalukumulaŋguluka, Neŵo ndi koti muŵelosi wacifufya; kaŵili nimuli neŵo emo fiŵonwa ifisepo fyoŵe.
9Mbaninani uli nemano? Niye eukafiisiŵa ifyo-fintu. Ninani uli nekalaŋgo? Niye eukafiisiŵisya? Pakuti insila syaŵaYawe siliweme; lomba aŵaluŋgeme ŵakalukwenda-mo; sombi aŵakupulaisya eŵakawila-mo.
Currently Selected:
Osiya 14: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
