Osiya 8
8
1Koŵika ulupeŋga kukanwa koŵe. Koti ninoŋga alukwimina iŋanda yaŵaYawe; pakuti ŵapulaisya ukulayana kwanji, nekusilulula ifunde lyanji. 2Ŵakandilila ati, MweŵaLesa ŵanji, fweŵaIsilaeli tulukumwisini. 3Isilaeli waposa ifyo ifiweme; akapondo kakamutamfya. 4Ŵalisiikalicile imfumu, sombi takuli kuli neŵo; ŵalificitile ifileme, lomba neŵo nsinaisiŵile-po; kwisilifa lyaŵo nakwigolide lyaŵo ŵalilicitile ifiŵumbwaŵumbwa, ati ŵo ŋgaŵakapinikwe. 5ŴeSamalya, umombe woŵe ulukunekasya; uŵukali bwanji bwaŵaŵucila; impindi ikaŵa yasyani ili tawaŋgafika kukusweta? 6Pakuti nawuyu kaŵili alifumine kuIsilaeli; uwamilimo ŵalimucitile, lomba taali niLesa; icine, umombe wakuSamalya akatoŵalwa. 7Pakuti ŵalaŵyala icipupu, lomba ŵakaloŋgela akapupulwa; taakwete amasaka alukumena; umusoŋgo tokekata-po neli wuŋga: kani cipale ukekata-po, kansi aŵensu ŵakaŵulya.
8Isilaeli alimininwe; ŵukumo ŵali koti ciŋkoloŋkolo icalukoso pakati paŵenafyalo. 9Pakuti ŵalininine ukuya kuAsiliya koti nimboŋgolo yamumpaŋga ili yeŋka; Efilayimi alifolele aŵakumutemucila. 10Icine, naŋgawa'ti ŵalukufola pakati paŵenafyalo, pano ndukuŵaŵuŋganya; ati ŵatatike ukukokola ukwisoŋkela imfumu yafileme. 11Pakuti Efilayimi wafusya ifyonto mukuŵifya, ali nafyo ifyonto ifyakuŵifya. 12Naŋgaŵa'ti mulembele ukufunda kwanji kumafunde mpaŋgana mpaŋgana, aŋgebwa cintu cakukaŋkamika. 13Ifyakuposa kwamilambu yanji, ŵalukuposa imilambu yamunefu nekuulya; sombi ŵaYawe taŵalukuŵapoka-po, tau; pano ŵakwanuka ukusendama kwaŵo, nekuŵapama pakuti pafyakuŵifya fyaŵo. Ŵakabwelela kuIjipiti. 14Pakuti Isilaeli waluŵa-ko umuLeŋgesi wakwe, nekwiŵaka ututanino; naJuda naye wafusya Imisi yamaliŋga: sombi ŋkatuma umulilo pamisi yakwe, ukaocelela amananda akuko akosele.
Currently Selected:
Osiya 8: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
