Osiya 7
7
1Pakufwaya neŵo ukuposya Isilaeli, epakufimbuluka ukusendama kwakwe Efilayimi nekuŵifya kwakuSamalya; pakuti ŵalacite'fyaŵufi; popele silumfundi nekwinjila mukati, neŵumba lyawano nekonala pesonde. 2Lomba tawalukulaŋguluka mumitima yaŵo ati neŵo ndukwanuka ifyakuŵifya fyaŵo fyonse; pano ifyakucita fyaŵo aŵene fyaŵasiŋguluka; fili pamenso anji. 3Ŵalasembesya imfumu kufyakuŵifya fyaŵo, nefileme kufyaŵufi fyaŵo. 4Wonse ŵaŵucende; ŵali koti lisiko ilikaŵisiwe kumwipicisi; alukuleko'kukosya umulilo, ukutatika pakukasa uwusuŋga ukufika kukuŵika-mo umusuŋga, 5Pakasuŵa kamfumu yesu, ifileme fyalililwalisye kukukaŵa kwamfaina; yalitambicile ukuŵoko kwaiyo pamo neŵakupufya. 6Pakuti ŵaansika umutima waŵo koti lisiko, pakulukuŵelama ŵo; umwipicisi waŵo alalala mutulo uŵusiku ŵonse; ulucelo lilapya koti caka camulilo. 7Ŵonse ŵalikaŵile koti lisiko, ŵalaŵoca aŵasololwesi ŵaŵo. Imfumu syaŵo syonse siliwile; pakati pali ŵo tapali neli umo ulukwita kuli neŵo.
8Efilayimi alukulipataŋkanya neŵantu; Efilayimi mukate uwocelelwe uluŵali lumo. 9Aŵensu ŵalya amakosa akwe; ye taafiisi ifyo; icine, imfwi siponaile pali ye, ye taafiisi ifyo. 10Popele itaŋgalo lyakwe Isilaeli lilukusimika pamenso akwe; naŋgawe'fyo taŵabwelele kuli ŵaYawe Lesa waŵo, neli kuŵafwayafwaya, pakuti pali fyefyo fyonse. 11Kaŵili Efilayimi ali koti niciŵa utumpile, utaakwete-kalaŋgo; ŵalukwita kwIjipiti; ŵalukuya kuAsiliya. 12Pakuya ŵo, ŋkaansicila peulu pali ŵo akombe kanji; ŋkawawisya pansi koti fyuni fyamwiulu; ŋkaŵapama koti nifyefyo ifi ŵaumfwa aweŵuŋgano lyaŵo. 13Ŵo ŵalisyeme! pakuti ŵapasuka-mo ukufuma kuli neŵo; ŋgaŵaonaike! pakuti ŵasilulula imisiliko yanji; naŋga'ti neŵo nati mbaluŵule, naŋgawe'fyo ŵambepela neŵo. 14Lomba taŵalukundilila nemitima yaŵo, sombi ŵalukupama-mo nemisowa pamalo aŵo; ŵalukuŵuŋganina amasaka nemfaina, nekuŋgalucila. 15Naŋga' ti nalisambisye nekukosya amaŵoko, aŵo, naŋgawe'fyo ŵalukwalakanya ukulukumpusisya. 16Ŵalabwela, sombi taŵabwelela kuli Ŵaŵo aŵakwiulu; ŵali koti ŵuta bwakutumpaika; ifileme fyaŵo fikawa kumpoko, pakuti pakupuputwa kwalumini lwafiko; ifyo ekusekwa kwafiko mucalo caIjipiti.
Currently Selected:
Osiya 7: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
