Osiya 6
6
1Twendeni, ŋgatubwelele kuli ŵaYawe; pakuti ŵalipandwile, kaŵili ŵakatuposya; ŵalipamine, kaŵili ŵakatukacila ifiŵeŋga. 2Pakupita insiku siŵili ŵakatuŵusya; pakasuŵa kaŵusitatu ŵakatwimisya, eli tukalukwikala nemweo pamenso aŵo. 3Peŋka ŋgatwisiŵe, ŋgatulondelele ukulukuŵesiŵa ŵaYawe; ukwima kwaŵo kwakucetekelwa koti kuca; ŵakesa kuli fweŵo koti nimfula, koti nimfula yakupela-ko itontosya-po icalo.
4WeEfilayimi ŋkucitile'ndo weŵo?
WeJuda ŋkucitile'ndo weŵo? pakuti ukuwama kwenu kuli koti likumbi lyalucelo, nakoti cime icisimaŋgana bwaŋgu. 5Pakuti pali fyefyo naliŵatemene kuŵakusimika; naliŵepeye kumasiwi akukanwa kanji; ukusininwa koŵe kulukuya koti kutuŵa. 6Pakuti ndukufwaya iŋkumbu, imilambu teyo; nekuŵesiŵa ŵaLesa ukucila napamilambu yakoca. 7Sombi ŵo, koti niAdama, ŵapulaisya ukulayana; uko ŵaŋgalucila. 8Gilyadi musi waŵalukucite'fyakusendama, ulinyantilwe imilopa. 9Lomba koti nifyefyo ifi amaŵumba aŵasilumfundi amuŵelamina umuntu, fyopele'fyo insoko yaŵapapatilisi ilepaya aŵantu pansila iyakuya kuSyekemi; icine, ŵalukucita ncŵucencemesi. 10Munanda yakuIsilaeli naŵona icakunekasya kumutima; umo muli uŵucencemesi muEfilayimi; Isilaeli aliŵifisiwe. 11Kaŵili, weJuda, ukuloŋgela kuliansicilwe pakuti pali weŵo, pakubwelesya liŵili ŵukaili bwaŵantu ŵanji.
Currently Selected:
Osiya 6: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
