Osiya 5
5
1Kamumfwe'fi, mweŵapapatilisi, mulukukutika, mwewananda yakuIsilaeli, muteke ukutwi, mwewananda yamfumu, pakuti ukusololola kuli kuli mweŵo; pakuti mwali cakuteya kuMisipa, kombe akaansicilwe paTaboli. 2Lomba aŵakwalika ŵaliile apatali pansi ukulukwipayala; sombi neŵo ndi wakuŵapatila ŵonse. 3Ndimwisi Efilayimi, kaŵili Isilaeli taafisilwe kuli neŵo; pakuti pano, weEfilayimi, wacito'ŵucencemesi; Isilaeli aliŵifisiwe. 4Ukucita kwaŵo takusumina ati ŵaalucile kuli ŵaLesa ŵaŵo; pakuti umupasi waŵucencemesi uli muli ŵo, taŵaŵesi ŵaYawe.
5Popele itaŋgalo lyakwe Isilaeli lilukusimika pamenso akwe; pakuti pali fyefyo Isilaeli naEfilayimi ŵakalitutula mukusendama kwaŵo; naJuda kaŵili akalitutula pamo naŵo. 6Ŵakenda pamo nemataŋga aŵo ambelele neaŋombe mukuŵafwaya-fwaya ŵaYawe; sombi tekuti ŵakaŵaŵone; ŵalifumisya kuli ŵo. 7Ŵaŵaalucila ŵaYawe; pakuti ŵalifyele aŵana ŵaŵensu; pano umwensi wamaseŋgo ukaŵalya pamo nemaŵala aŵo.
8Kamulisya uluseŋgo muGibea, nelupeŋga muLama; muwele iŋgwele kuBeta-yafeni; munuma yoŵe, weBenjamini! 9Efilayimi akaŵa konalwa pakasuŵa kakupatilwa; pakati pamikoka yakuIsilaeli naisiŵisya ifyo ifikaŵa-po icine. 10Ifileme fyakuJuda fili koti niŵaŵo awafumya icakulaŋgulucila-ko utwalo; ŋkafiitulwila uŵukali bwanji koti menda.
11Efilaimi alikululucile, alisinincisiwe mukusininwa; pakuti walisumine ukwenda koti kufunda. 12Pakuti pali fyefyo namuŵela Efilayimi koti ŵusumfi, nekwiŵela iŋanda yakuJuda koti kaŵolesi.
13Lomba ili Efilayimi abwene uŵulwele bwakwe, naye Juda nekuŵona iciŵeŋga cakwe, eli aŋgaya Efilayimi kuAsiliya, nekutuma kumfumu Yalebi; sombi yo tekuti iisiŵe ukumulwalusyeni, neli kumuposesyeni toiweŋga cenu. 14Pakuti ŋkamuwela Efilayimi koti niŋkalamu, nekwiŵela Inanda yakuJuda koti mwana ŵaŋkalamu; neŵo, eneŵo, ŋkapandala nekufuma-po; ŋkatapa, tapakaŵa-po neli umo uwakupulusya.
15Ŋkaya ŋkabwelela kwanji, ili taŵaŋgasumina ukuŵifya kwaŵo, nekufwaya-fwaya pamenso panji; mukukululuka kwaŵo ŵakalukumfwaya-fwaya nemitima yaŵo yonse.
Currently Selected:
Osiya 5: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
