Osiya 3
3
1Popele ŵaYawe ŵalilaŵile kuli neŵo ati: Koya pano, utemwe umwanakasi umucencemesi utemiwe kuli umbi, koti nifyefyo ifi ŵaYawe ŵatemwa aŵana ŵakwe Isilaeli, naŋgawa ati ŵaalucila kuli ŵalesa ŵambi nekutemwa imikate yamfaina. 2Fyopele'fyo nalimuulile nekuposa amasilifa ikumi naasanu, nekomeli lyamabali limo neyafu. 3Popele nalilaŵile kuli ye ati, Mwakulukuniikalila insiku isinji; tekuti ucite ifyaŵucencemesi, neli kwikala ati nimuka-muntu; neŵo ŋkalukukuwele'fyo.
4Pakuti aŵana ŵakwe Isilaeli ŵakalukwikala insiku isinji apakuŵula imfumu, apakuŵula icileme, apakuŵula umulambu wakwipaya, apakuŵula ulupanda, apakuŵula efodi naŵatelafi; 5panuma pali fyefyo aŵana ŵakwe Isilaeli ŵakabwela, nekuŵafwaya-fwaya ŵaYawe Lesa waŵo, naDafidi imfumu yaŵo; naŵo nekwisa nekutina kuli ŵaYawe nakuŵune bwaŵo pansiku syakupela-ko.
Currently Selected:
Osiya 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
