Osiya 12
12
1Efilayaimi alalya kaŵesya, nekulondelela icipupu capali ntundwe; alafusya amafi nekonala impindi yonse; popele ŵalukucito'kulayana naAsiliya; kaŵili amafuta alukupintilwa kuIjipiti. 2Kaŵili ŵaYawe ŵali nekupicisya nakwe Juda; ŵakamucitilo'mulandu Yakobi koti ninsila syakwe; ŵakamulambula koti kucita kwakwe.
3Ili acili munda mwaŵanyina, alimwikete umukwaŵo kukasisilo; kaŵili paŵukulu bwabwalalume bwakwe alukulwa naŵaLesa; 4icine, alilwile neŋkalamba nekucila-po; lomba alililile neminsosi nekwikombetela; ŵaYawe ŵalikumene nakwe kuBeteli, nakuko kaŵili alukwambala nafweŵo; 5eŵaYawe, Lesa wamaŵumba; ŵaYaweekwanusyakwakwe. 6Pakuti pali fyefyo kawalucila kuli ŵaLesa ŵoŵe; ulukulama iŋkumbu nekusololola, ulukuŵapembelela ŵaLesa ŵoŵe impindi yonse.
7Ye muulisi, amasikelo akutumpaika ali muminwe yakwe; alatemwa ukukululusya. 8Lomba Efilayimi ati, Ieinenene ndisambele, nalinoŋkela uŵuŵoni; pamilimo yanji yonse taŵakaŵona-mo muli neŵo neli kusendama ukwakuŵifya. 9Sombi neŵo nineŵaYawe Lesa woŵe ukufuma mucalo caIjipiti; ŋkamuleŋgesyeni naliŵili ukwikala mumasema, koti nipansiku syacitenje cansoni. 10Nakaŵili nalaŵila kuŵakusimika, nekufusya ifyakuŵoneka; kukupyuŋga kwaŵakusimika nacitisya-ko ifyakupalana. 11Kani Gilyadi kusendama? Ŵali ŵalukoso ŵonse. Ŵalepaya iŋombe ati milambu muGiligali; icine, ifyonto fyaŵo fili koti mipili mumifolwa yamwiŵala.
12Lomba Yakobi aliŵutucile ukuya kwiŵala lyakwe Alama; Isilaeli alipyunjilile umukasi, nekwembelelo'mukasi. 13Popele Yawe walifumisye Isilaeli muIjipiti kuwakusimika; kaŵili nikuwakusimika eko alaminwe. 14Efilayimi waleŋgesya ukukalipa ukwakuti; pakuti pali fyefyo imilopa yakwe ikasiwa pali ye umwine; kaŵili ŵaSikulu ŵakwe ŵakamubwesesya ukutoŋgalwa kwakwe.
Currently Selected:
Osiya 12: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
