Agayi 2
2
1Pamwensi waŵuisanu naiŵili, pakasuŵa kamakumi aŵili nakamo akamwensi uyo, lyaliisile isiwi lyaŵaYawe muli Agayi uwakusimika ati: 2Laŵila pano kuli Selubabeli umwana wakwe Syalatieli icilolo capacalo caŵaJuda, nakuli Josyua umwana wakwe Jeosadaci umupapatilisi umukulu, nakuŵantu aŵasyele-po ati:
3Pali mweŵo mbaninani usyele-po uwabwene iyi-ŋanda muŵuleme bwaiyo ubwakutaŋga? Kaŵili mulukwiwona ili syani ŵukumo? Kansi taili koti yalukoso pamenso enu? 4ŴaYawe ŵalukulaŵila ati: Naŋgaŵe'fyo pano kokosa mumutima, weSelubabeli; naweŵo weJosyua, wemwana wakwe Jeosadaci, wemupapatilisi umukulu, kokosa mumutima; namweŵo mweŵantu mwense mweŵamucalo, kamukosa mulukupyuŋga, efilukulaŵila ŵaYawe ŵamaŵumba, 5koti lisiwi ilyo nalayene nenu, ili mwafumine muIjipiti, nekulukwikala pakati pali mwewo umupasi wanji; mwilukutina.
6Pakuti waYawe ŵamaŵumba walukulaŵile'fi ati: Pasyala impindi inini lukoso lomba ŋkateŋkanya liŵili amaulu, necalo capansi, necisiŵa, nemutunta; 7kawili ŋkateŋkanya imikoka yonse yaŵantu, lomba ifyamakweŵo ififwaya imikoka yonse fikesa, telyo niŋgesusya iyiŋanda uŵuleme, efilukulaŵila ŵaYawe wamaŵumba. 8Isilifa lyanji, negolide nalyo lyanji, efilukulaŵila ŵaYawe ŵamaŵumba. 9Kaŵili ŵaYawe ŵamaŵumba ati: Uŵuleme bwayiyi-nanda ubwakupela-ko ŵukacila-po uŵukulu napali ŵoŵo ubwakutaŋga. Kaŵili ŵaYawe ŵamaŵumba ati: Ŋkapela uŵutende muntu umu.
10Pakasuŵa kamakumi aŵili nasine, akamwensi waŵuisanu naine, pamwaka i waŵuiŵili wakwe Daliu, lyaliisile isiwi lyaŵa Yawe muli Agayi uwakusimika ati: 11ŴaYawe ŵamaŵumba ŵalukulaŵile' fi ati: Ipusya-po aŵapapatilisi ifyamafunde ati: 12Kani umbi alukupinta ifinani ifiswetelele mumukombelo wacakufwala cakwe, lomba nemukombelo wakwe nekukuma-ko kuli siŋkwa, neli nikuwusuŋga, neli nikumfaina, neli nikumafuta, neli nikufyakulya fyonse, kani ifyo fiŋgaŵa fiswetelele? Lomba aŵapapatilisi ŵaliasucile ati: Koku. 13Kumfwa Agavi ati: Kani umbi, uŵipile pakuti pakukuma-ko kucitumbi, akume-ko kuli fyefyo-fintu fyonse, kani fiŋga ŵipa? Naŵo aŵapapatilisi nekwasuka ati: Inya, fiŋgaŵipa.
14Lomba Agayi aliasucile ati: ŴaYawe ati: Efyo ŵali aŵantu aŵa; efili umukoka uvu pamenso anji; kaŵili efili imilimo yakuminwe yaŵo yonse; nafyefyo nafyo ifi ŵaposela'po ati milambu, fyonse fiŵipile. 15Lomba ŵukumo ndukumukombeteleni ati mulaŋguluke ukufuma kumpindi yakale ukufika nakukasuŵa kano, ili tawaŋgaŵika ibwe peulu paliŵyakwe mwitempuli lyaŵaYawe; 16pampindi iyo yonse, kani umbi aŋgesa kumupili wamasaka uwali nemipasa amakumi aŵili, kusaŋga kuli lukoso ikumi limo; napakwisa umbi kulusanso lwamfaina mukutapa ifyakwesya amakumi asanu, kusaŋga muli lukoso ifyakwesya amakumi aŵili. 17ŴaYawe ati: Nalipamine imilimo yonse iyakuminwe yenu kuli nsundwe nakukawunde nakumfula yamabwe; naŋgawe'fyo tamwaalucilile kuli neŵo. 18Ndukumukombeteleni ati mulaŋguluke ukufuma kumpindi yakale ukufika nakukasuŵa kano, akasuŵa kamakumi aŵili nasine akamwensi waŵuisanu naine, ukufuma kukasuŵa ako ŵaŵicile icakwiŵacila-po itempuli lyaŵaYawe. Kamufilaŋguluka. 19Kani mucili amasaka mumatala? Icine, neli mufaina, neli mukuyu, neli muti walimono, neli muti wamaolife, tayaikete-po ifisepo, koku. Sombi ukufuma kukasuŵa kano ŋkalukumusyucisyeni.
20Naliŵili lyaliisile isiwi lyaŵaYawe kuli Agayi, pakasuŵa kamakumi aŵili nasine akamwensi ati: 21Laŵila kuli Selubabeli icilolo capacalo caŵaJuda ati:
Ŋkateŋkanya amaulu necalo capansi; 22kaŵili ŋkawisya iteŵe lyawufumu, nekonala amakosa aŵufumu bwaŵenafyalo; nekuwisya Iŋgolofwana syaŋkondo pamo naŵaŵo aŵenda muli syo; lomba ŵakafwalo naŵaŵo aŵenda pali ŵo ŵaI kawa, ŵonse umo umo kumpoko yamukwaŵo. 23ŴaYawe ŵamaŵumba ŵaIlukulaŵila ati: Pakasuŵa ako ŋkakuwu. Ia, weSelubabeli, wemupyunjisi wanji, wemwana wakwe Syalatieli, efilukulaŵila ŵaYawe; ŋkakwikalika koti ninsalamu yakucita-ko utwisiŵilo, pakuti ndikusalulwile; efilukulaŵila waYawe ŵamawumba.
Currently Selected:
Agayi 2: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
