Ifyakutaŋga 40
40
1Popele apo, panuma yafintu ifyo, uwakutaŵataŵa nekutwalile'mfumu yaŵaIjipiti ifyakulya, nemwipicisi waiyo, ŵoŵilo ŵaliŵifisye kuli ŵawisikuluŵo, imfumu yaŵaIjipiti. 2Popele Falo nekufikalipila ifilolo fyakwe ifyo fyoŵilo, icilolo caŵakutaŵataŵa necilolo caŵepicisi. 3Naye walifiposele muli wukaili muŋanda yacilolo caŵalukwilame'mfumu, mwikati, umo umwakacilwe Josefi. 4Popele icilolo caŵalukulama caliŵapele kuli Josefi, naye nekuŵapyunjila: naŵo kaŵekale'mpindi muli ŵukaili.
5Peŋka ŵalilotele ŵoŵilo, uyu umuloto wakwe nawoyo umuloto wakwe, uŵusiku ŵuntu ŵumo, ŵoŵilo koti kuŵulisisya kwamiloto yaŵo, uwakutaŵataŵa nemwipicisi wamfumu yaŵaIjipiti, aŵakacilwe mwikati. 6Popele ulucelo Josefi kaenjila nakuli ŵo, kaaŵaŵona, lomba kusaŋga, ŵaliŵombomene. 7Popele alifiipwisye ifilolo fyakwe Falo ifyali muli ŵukaili pamo nakwe muŋanda yaŵawisikulu, ati: Mbanindo muŵombomanine'fi lelo? 8Nafyo kafilaŵila kuli ye ati: Twaloto'muloto, lomba tapali-po uwisi ukuuŵulisisya. Kumfwa Josefi walaŵila kuli fyo ati: Kansi taali kuli ŵaLesa amano akuŵulisisya? Mbuleni, ndukumukombeteleni.
9Popele icilolo caŵakutaŵataŵa calimuŵulile Josefi umuloto wacico, nekulaŵila kuli ye ati: Pamuloto wanji, kuŵona pamenso anji pali umuti wamufaina; 10kaŵili pamufaina pali nemisimba itatu: popele palibwenekele koti wasonsa, amaluŵa auo asapuka, ifisaŋgo fyauo fyaikate'mfaina isipile: 11kaŵili iŋkomeci yaŵaFalo yali muminwe yanji; popele kanswe'mfaina, kansifinina muŋkomeci yaŵaFalo, kambapela ŵaFalo iŋkomeci muminwe yaŵo. 12Popele Josefi walilaŵile kuli co ati: Ukuŵulisisya kwa uko nikuku: Imisimba iyo itatu ninsiku sitatu; 13pakupite'nsiku sitatu ŵaFalo ŵakasuntulo'mutwi woŵe nekuku bwesesya kuli ŵucilolo ŵoŵe: eli ukaŵapela ŵaFalo iŋkomeci yaŵo muminwe yaŵo, koti nifyefyo ifi walukucita akale, ili wali wakutaŵataŵa waŵo. 14Sombi ukandaŋguluke neŵo, pakwikala bwino weŵo; ndukukukombetela ati ukancitile iŋkumbu, nekuŵaŵula ŵaFalo ifyakuli neŵo, mukumfumyamo munande'yi; 15pakuti icine naliiŵilwe mucalo caŵaEbeya: napapano kawili nsinacitile-po neli kantu akaŋgelelwa ukuposwa mwikati.
16Popele icilolo caŵepicisi, ili cabwene ati ukuŵulisisya uko kuweme, calilaŵile kuli Josefi ati: Naneŵo kaŵili nalukulota, lomba kuŵona nikufilukwa fitatu ifyali nefimpwampwa ifituŵile pamutwi panji: 17kaŵili mucilukwa icapeulu mwali ifyakwipika ifyamikoka namikoka ifyaŵaFalo; lombe'fyuni kafilukufilila-mo mucilukwa pamutwi panji. 18Popele Josefi waliasucile ati: Ukuwulisisya kwauko nikuku: ifilukwa ifyo fita tu ninsiku sitatu; 19pakupite' nsiku sitatu, ŵaFalo ŵakasuntulo'mutwi woŵe ukuufumya kuli weŵo, ŵakakukulicila kumuti; popele ifyuni fikakulya umunefu woŵe.
20Popele apo, pakasuŵa kaŵusitatu, pakasuŵa akakufyalwa kwakwe Falo, Falo waliŵacitile icitenje aŵapyunjisi ŵakwe ŵonse: popele alisuntwile umutwi wacilolo caŵakutaŵataŵa nemutwi wacilolo caŵepicisi pakati paŵapyunjisi ŵakwe. 21Popele alibwesesye icilolo caŵakutaŵataŵa pali wucilolo bwacico; naco kacimupela Falo iŋkomeci yakwe muminwe yakwe: 22sombi alicikulicile icilolo caŵepicisi, koti nifvefyo ifi aŵulisisye Josefi. 23Naŋgawe'fyo icilolo caŵakutaŵataŵa tacamulaŋgulucile Josefi, sombi calimuluŵile-ko.
Currently Selected:
Ifyakutaŋga 40: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
