Esiceli 45
45
1Kaŵili pakwaŵa icalo pacipa ati ŵupyani, mukaŵaposele ŵaYawe umulambu, icakwaŵa cacalo iciswetelele; uŵutali bwaciko ŵukakumane amatete amasausande amakumi aŵili naasanu, nebwipi bwamasausande ikumi; cikalukuswetelele pamipaka yaciko yonse apasiŋgulucile. 2Pali eico pantu apaswetelele pakakumane uŵutali bwamyanda isanu nebwipi bwamyanda isanu, apasiŋgulucile pakalukuliŋgene; kaŵili pakalukuli amakubita amakumi asanu akumitala yakuko isiŋgulucile, 3Lomba kukwesya uko ukesye uŵutali bwamasausande amakumi aŵili naasanu nebwipi bwamasausande ikumi; umo mukati emukalukuli umulenda uswetelele lukoso swete. 4Ico ecakwaŵa cacalo iciswetelele; cikalukuli cakuŵapapatilisi, aŵapyunjisi aŵakumulenda uswetelele, aŵapalamina mukuŵapyunjila ŵaYawe; apo pakaŵa nipantu apakwiŵacila amananda aŵo, epantu apaswetelele apakumulenda uswetelele. 5Kaŵili pakalukuli amasausande amakumi aŵili naasanu paŵutali nemasausande ikumi pabwipi kuŵena-Lefai, aŵapyunjisi aŵakuŋanda, ati ŵupyani bwaŵo aŵene, apakukumana ifipinda amakumi aŵili. 6Kaŵili mukapele uŵupyani bwamusi ati masausande asanu pabwipi nemasausande amakumi aŵili naasanu paŵutali, apasiŋkamene muceni camulambu wacakwaŵa iciswetelele; ŵukalukuli bwakunanda yonse iyaŵaIsilaeli. 7Kaŵili icakucileme cikalukuli pambali syoŵilo isyamulambu uswetelele nesyakuŵupyani ubwakumusi, pamenso amulambu uswetelele napamenso aŵupyani ubwakumusi, kuluŵali lwakumbonsi ukulola kumbonsi, nakuluŵali lwakumutulesuŵa ukulola kumutulesuŵa; muŵutali apatantamene necakwaŵa cimo, ukufuma kumupaka ŵakumbonsi ukufika nakumupaka wakumutulesuŵa. 8Cikalukuli calo cacico, ati ŵupyani muIsilaeli. Lomba ifileme fyanji tekuti fikalukukululula liŵili aŵantu ŵanji; sombi ŵakapele icalo kuwananda yaku Isilaeli koti fikoto fyaŵo.
9ŴaSikulu Yawe ŵalukulaŵile'fi ati: Ŋgafimukumaneni, mwefileme ifyaku Isilaeli; mufumye uwuŋgwa nekutapa; mucite ifyakusololola nefiluŋgeme; mukubwesye ukukufumya ukupanjila kwenu kuŵantu ŵanji, efilukulaŵila ŵaSikulu Yawe. 10Mukalukuli nefyakwesya ifiluŋgeme, naefa uluŋgeme, nebati ililuŋgeme. 11Efa nebati fikalukuli fyacakwesya cintu cimo, fyopele'fyo amabati ikumi akakumane ikomeli limo, naŵaefa naŵo ikumi nekukumana ikomeli limo; ukwesya kwakuko kukalukuli koti kwekomeli. 12Kaŵili isyekeli likakumane ŵagelaci amakumi aŵili; namane wenu kaŵili ukalukuli wamasyekeli amakumi aŵili, newamasyekeli amakumi aŵili naasanu, newamasyekeli ikumi naasanu.
13Uyu emulambu uyo mukaposa: cimo pali fisanu nacimo icaefa uwakwikomeli lyaŵatiligu; kaŵili mukapele cimo pali fisanu nacimo icaefa uwakwikomeli lyamabali; 14lomba icakwaŵa icansicilwe icamafuta, icebati lyamafuta, cikakumane cimo pekumi icebati, ilyapacakwesya, emabati ikumi, ikomeli limo; pakuti amabati ikumi alikumene ikomeli limo; 15pamo nemwana wambelele umo petaŋga lyamyanda iŵili, ilyapafyembelelo ifiweme ifyakuIsilaeli; ifyo fyamulambu wawuŋga, nefyamulambu wakoca, nefyamilambu yaŵutende, mukuŵalamwina, efilukulaŵila ŵaSikulu Yawe. 16Aŵantu ŵonse aŵapacalo ŵakapele pamulambu uyo pakuti pacileme icamuIsilaeli. 17Lomba fikaŵa ceŵo cacileme ukupela imilambu yakoca, nemilambu yawuŋga, nemilambu yafyakunwa, pafitenje, napamyensi yamaseŋgo, napali ŵasabata, pafitenje fyonse ifyansicilwe ifyakunanda yakuIsilaeli; co cikaansika umulambu wapafyakuŵifya, nemulambu wawuŋga, nemulambu wakoca, nemilambu yaŵutende, mukwilamwina iŋanda yakuIsilaeli.
18ŴaSikulu Yawe ŵalukulaŵile'fi ati: Pamwensi wakutaŋga, pakasuŵa kakutaŋga akamwensi uyo, ukaŵule umusune umwana uwakuŵule'cisemba; eli uŋgaswesya umulenda uswetelele. 19Popele umupapatilisi akaŵule-po pamilopa yakumulambu wapafyakuŵifya, aiŵike pafiti fyakumulyaŋgo wakunanda, napamakoŋko onane antekelo yakuconto, napafiti fyakumusiko uwakuluŵansa lwamukati. 20Ukalukucite'fyo pakasuŵa kaŵusisanu nasiŵili akamwensi pakuti paŵantu ŵonse aŵakuŵifya, napakuti pali woyo utumpile; fyopele' fyo mukalukulamwina iŋanda.
21Pamwensi wakutaŋga, pakasuŵa kekumi nasine akamwensi uyo, mukalukuli nemuciluko, icitenje cansiku sisanu nasiŵili; ifimpwampwa ifyakuŵulo'musuŋga efikaliwa. 22Lomba pakasuŵa ako icileme cikalyansicila nekuŵaansicila aŵantu ŵonse aŵapacalo umusune waŋombe ati mulambu wapafyakuŵifya. 23Kaŵili pansiku syacitenje isyo syosanu nasiŵili cikaŵaansicila ŵaYawe umulambu wakoca, aŵasune ŵasanu naŵaŵili nembelele isyalalume sisanu nasiŵili isyakuŵule'fisemba, insiku nansiku pansiku isyo syosanu nasiŵili; pamo napepe insiku nansiku ati mulambu wapafyakuŵifya. 24Kaŵili cikaansika umulambu wawuŋga, efa umo pamusune umo, naefa umo pambelele iyalalume imo, nacini wamafuta umo pali efa umo. 25Pamwensi waŵusisanu nasiŵili, pakasuŵa kekumi nasisanu akamwensi, pampindi yacitenje, akalukucita fyopele' fyo pansiku isyo syosanu nasiŵili; koti mulambu wapafyakuŵifya, nakoti mulambu wakoca, nakoti mulambu waŵuŋga, nakoti mafuta.
Currently Selected:
Esiceli 45: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
