Esiceli 42
42
1Popele apo alimfumisye ukumfisisya kuluŵansa ulwaposonde pansila yakuya kunofu; nekunyinjisisya mucipinda icasiŋkamene napantu apalekene nekulukusiŋkamene necakwiŵaka icalolele kunofu, 2pamenso aŵutali bwamakubita umwanda umo, apali umulyaŋgo uwakunofu, nebwipi bwamakubita amakumi asanu. 3Apasiŋkamene nemakubita amakumi aŵili akuluŵansa lwamukati, nepasiŋkamene neluŵansa lwamabwe ulwakuluŵansa lwaposonde, pali insila syapeulu isyatontoŋkene pali ndandanda wafipinda uwaŵuŵatatu peulu. 4Kaŵili pamenso afipinda pali insila, ubwipi bwaiyo makubita ikumi, neŵutali bwaiyo naŵo makubita umwanda umo; lomba imilyaŋgo yakuko yali kunofu. 5Lomba ifipinda fyapeulu fyaliipipile, pakweŵa ati insila syapeulu syalificefesye ukucila napafyapansi nefyapakati mucakwiŵaka. 6Pakuti fyaliiŵekwe niŵandandanda ŵatatu; tafyali nempanda koti nimpanda syakumansa. Pakuti pali fyefyo ndandanda wapeulu walifinicile ukwakucila napawapansi newapakati ukufuma kunsi. 7Kaŵili iciŵumba, icali posonde muceni cafipinda icalolele kuluŵansa lwaposonde pamenso afipinda, cali neŵutali bwamakubita amakumi asanu. 8Pakuti uŵutali bwafipinda ifyali paluŵansa lwaposonde bwalikumene amakubita amakumi asanu: lomba kusaŋga pamenso etempuli nikumakubita umwanda umo. 9Kaŵili pansi pafipinda ifyo pali umwinjililo kumutulesuŵa, pakwinjila-mo umuntu ukufuma kuluŵansa lwaposonde. 10Mumutika waciŵumba icakuluŵansa kumutulesuŵa, pamenso apantu apalekene, napamenso acakwiŵaka, mwali ifipinda. 11Lomba insila yapamenso pafiko yali koti mekalilo ansila yafipinda ifyakunofu, koti ŵutali bwafiko nebwipi bwafiko; nemifumino yafiko yonse yali koti mekalilo afiko nemilyaŋgo yafiko. 12Kaŵili koti milyaŋgo yakufipinda ifyakusaufu pali umulyaŋgo pakutatika kwansila, ensila itontoŋkene lukoso tonto neciŵumba icakumutulesuŵa, pakwinjila-mo umuntu.
13Popele apo alilaŵile kuli neŵo ati: Ifipinda ifyakunofu nefipinda ifyakusaufu, ifili pamenso apantu apalekene, fyo fipinda ifiswetelele, umo ŵaŋgalila-mo ifintu ifiswetelele swete lukoso aŵapapatilisi aŵali apepi pali ŵaYawe. Mopelo' mo ŵaŋgaŵika ifintu ifiswetelele swete lukoso, nemulambu wawuŋga, nemulambu wapafyakuŵifya, nemulambu wapamulandu; pakuti apo-pantu paliswetelele. 14Pakwinjila-mo aŵapapatilisi, taŵakafuma-mo muntu umuswetelele ukuya paluŵansa lwaposonde, ŵaŵa; sombi mopelo'mo umu ŵalukupyunjila emo ŵakaŵika ifyakufwala fyaŵo, pakuti fyo filiswetelele; lomba ŵakafwala ifyakufwala fimbi, eli ŵaŋgapalamina kuli fyefyo ifyakuŵantu.
15Lomba, pakusila ye ukwesya iŋanda yamukati, alimfumisye pansila iyakumulyaŋgo ulolele kumutulesuŵa, nekupesya ponse ponse. 16Aliesesye paluŵali lwakumutulesuŵa kwitete lyakwesya-ko; palikumene amatete imyanda isanu, kwitete lyakwesya-ko, ponse ponse. 17Aliesesye paluŵali lwakunofu; palikumene amatete imyanda isanu, kwitete lyakwesya-ko, ponse ponse. 18Aliesesye paluŵali lwakusaufu; palikumene amatete imyanda isanu, kwitete lyakwesya-ko. 19Peŋka alialucile ukuya kuluŵali lwakumbonsi, nekwesya amatete imyanda isanu kwitete lyakwesya-ko. 20Alipesesye ponane. Pali neciwumba apasiŋgulucile, uŵutali bwaciko myanda isanu, mukulekanya ifyo ifiswetelele nafyefyo ifyansiku syonse.
Currently Selected:
Esiceli 42: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
