Ifyakufuma 38
38
1Popele alicitile iconto icamilambu iyakoca kuciti camuŋgasenje: uŵutali bwaciko bwalikumene amakubita asanu, namubwipi namo mwalikumene amakubita asanu; calukulola kune; kaŵili uŵutali bwaciko ubwakwesya peulu bwalikumene amakubita atatu. 2Popele pamakoŋko paciko ponane alicitile amaseŋgo aciko: amaseŋgo aciko aliŵumbilwe kumo naco; lomba aliŵicile pali co uluŵemba. 3Popele alicitile ifiŋkoloŋkolo fyonse ifyakuconto, nemanoŋgo, nemafosyolo, nemabeseni, nendoŵo isyafinani, nefyela ifyamulilo. Ifiŋkoloŋkolo fyaciko fyonse alificitile kuluŵemba. 4Kaŵili alicicitile iconto icakupika koti kombe icaluŵemba, pansi pambali isiŋgulucile iconto pansi, calificile pakati napakati pali co. 5Popele aliŵumbile imikoŋko ine pambali syacakupika icaluŵemba syonane, ati iŵe pakupisisya imitembo. 6Popele alicitile imitembo kuciti camuŋgasenje, nekuŵika peulu pali yo uluwemba. 7Popele alipusisye imitembo mumikoŋko iyapambali syaconto, mukucitemba. Alicicitile kumatabwa koti libokosi ilili nelupako pakati.
8Popele alicitile umusambilo kuluŵemba, necapansi cauo alicicitile kuluŵemba, ulwakufilolelo ifyaŵanakasi aŵapyunjisi aŵalukupyunjila kumulyaŋgo uwakucitente cewuŋgano.
9Kaŵili alicitile icaluŵansa. Paciŵafu icakusaufu ifipembe ifyakucaluŵansa fyali fyansalu iyakupyata inacile, fyalikumene amakubita umwanda umo. 10Impanda syafiko syalikumene amakumi aŵili, netulindi twasiko nato twalikumene amakumi aŵili, utwaluŵemba; ifyaŵundoŵo ifyakumpanda nendondo syasiko isyakuŵambakanya syali syesilifa. 11Kaŵili nakuciŵafu icakunofu ifipembe fyalikumene amakubita umwanda umo, nempanda syafiko nasyo syali makumi aŵili, netulindi twasiko nato twali makumi aŵili, utwaluŵemba; ifyaŵundoŵo ifyakumpanda nendondo syasiko isyakuŵambakanya syali syesilifa. 12Kaŵili paluŵali ulwakumbonsi pali ifipembe ifyakukumana amakubita amakumi asanu: impanda syafiko syali likumi, netulindi twasiko nato twali likumi; ifyaŵundoŵo ifyakumpanda nendondo syasiko isyakuŵambakanya syali syesilifa. 13Nakaŵili paluŵali ulwakumutulesuŵa fyalikumene amakubita amakumi asanu. 14Ifipembe ifyakuluŵali lumo ulwapamusiko fyalikumene amakubita ikumi naasanu; impanda syafiko syali sitatu, netulindi twasiko nato twali tutatu; 15kaŵili napaluŵali lumbi fyopele'fyo: pali lulu-Iuŵali napali lolo-Iuŵali lwamusiko uwakucaluŵansa pali ifipembe ifyakwesya amakubita ikumi naasanu; kaŵili impanda syafiko syali sitatu, netulindi twasiko nato twali tutatu. 16Ifipembe fyonse ifyasiŋgulucile kucaluŵansa fyali fyansalu ipyatilwe inacile. 17Kaŵili utulindi utwakwinjisisya-mo impanda twali twaluŵemba, nefyaŵundoŵo nafyo ifyakumpanda nendondo syasiko isyakuŵambakanya syali syesilifa; kaŵili imitwi yasiko yali nesilifa iliŵicilwe peulu; nakaŵili impanda isyakucaluŵansa syonse syaliŵambakene kundondo syesilifa. 18Kaŵili icicicilo icapamusiko uwakucaluŵansa calicitilwe kumutunjisi, kunsalu ifitile koti liulu, neikasicile panini, nekaisicile cee, nensalu ipyatilwe inacile; lomba uŵutali bwacico bwalikumene amakubita amakumi aŵili, kaŵili uŵutali ubwakwesya peulu pamo nebwipi bwalikumene amakubita asanu, ukwelana pamo nefipembe ifyapacaluŵansa. 19Kaŵili impanda syafiko syali sine, netulindi twasiko nato twali tune utwaluŵemba; ifyaŵundoŵo fyasiko fyali fyesilifa; kaŵili imitwi yasiko nendondo isyakusiŵambakanya syali nesilifa iliŵicilwe peulu. 20Lomba imisoŋga iyakwisema neyakucaluŵansa icasiŋgulucile, yali yaluŵemba.
21Uku ekupenda kwafintu ifyakwisema, kwisema lyakulayana, pakufipenda, koti kufunda kwakwe Mose, pakuti pakupyuŋga kwaŵena-Lefai, kuminwe yakwe liamali umwana wakwe Aloni umupapatilisi. 22Popele Besaleli Iimwana wakwe Uli, umwana wakwe Ulu, uwapacikoto caŵena-Juda, walificitile fyonse'fyo ifi ŵamufundile Mose ŵaYawe. 23Kawili pamo nakwe pali Ayolyabi, umwana wakwe Acisamaci, uwapacikoto caŵena-Dani, mfundi, umuntu uwamilimo yamano, umutunjisi wansalu ifitile koti liulu, neikasicile panini, neikasicile cee, nensalu inacile.
24Igolide lyonse ilyali pamilimo yonse iyamumulenda, igolide ilyamulambu, lyalikumene amatalanto amakumi aŵili naasanu muli asanu naane, nemasyekeli, imyanda isanu naiŵili nemakumi atatui koti lisyekeli lyakumulenda.
25Kaŵili isilifa lyaŵaŵo aŵapendelwe pewuŋgano lyalikumene amatalanto umwanda umo, nemasyekeli imyanda ikumi naisanu naiŵili nemakumi asanu naaŵili nemasyekeli asanu peulu, koti lisyekeli lyakumulenda; 26umuntu umo beka umo, ekasyekeli keyafu, koti lisyekili lyakumulenda; aŵantu ŵonse aŵapitile ukuya kuli ŵaŵo aŵapendelwe, aŵantu aŵalele pesonde imyaka amakumi aŵili neŵalele-po imyaka naimbi iinji, aŵantu amasausande imyanda isanu naumo naatatu neŵantu imyanda isanu nemakumi asanu. 27Lomba amatalanto esilifa umwanda umo ali akuŵumbila-ko utulindi utwamumulenda, netulindi utwakucipembe; utulindi umwanda twalikumene amatalanto umwanda, italanto limo lyalikumene akalindi kamo. 28Kaŵili kumasyekeli ayo imyanda ikumi naisanu naiŵili nemakumi asanu naaŵili naasanu peulu, alicitile ifyaŵundoŵo ifyakumpanda, nekuliŵika peulu pamitwi yasiko, nekusicitila indondo isyakusiŵambakanya.
29Kaŵili uluŵemba ulwamulambu lwalikumene amatalanto amakumi asanu naaŵili, nemasyekeli imyanda amakumi aŵili naine. 30Kulilo alicitile utulindi utwakumulyaŋgo uwakucitente ceŵuŋgano, neconto caluŵemba, necakupika cacico icaluŵemba, nefiŋkoloŋkolo fyonse ifyakuconto, 31netulindi utwakucaluŵansa icasiŋgulucile, netulindi utwakumusiko uwakucaluŵansa, nemisoŋga yonse iyakwisema, nemisoŋga yonse iyakucaluŵansa Icasiŋgulucile.
Currently Selected:
Ifyakufuma 38: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
