Ifyakufuma 30
30
1Popele ukacite iconto icakocela-po ifinuncile bwino: icaciti camuŋgasenje ukacicite. 2Muŵutali cikesye ikubita, namubwipi namo cikesye ikubita: cikalukulola pane; kaŵili uŵutali ubwakwesya peulu ŵukakumane amakubita aŵili; amaseŋgo acico akalukuli cintu cimo naco. 3Popele ukaŵike peulu pali co igolide iliswetele, napeulu napambafu apasiŋgulucile napamaseŋgo acico; kaŵili ukacicitile umuntinya wegolide uwakucisiŋguluka, 4Kaŵili ukacicitile imikoŋko yegolide iŵili pansi pamuntinya wacico, pambafu syacico syoŵilo; ukaicitile pambali syacico syoŵilo; ikalukuli pakupusisya imitembo iyakucitemba. 5Popele ukaicite imitembo kuciti camuŋgasenje, ukaŵike peulu pali yo igolide. 6Popele ukaciteke pamenso pacipembe icili pebokosi lyakulayana, pamenso pacifuniko cacifuto icili peulu pakulayana, apo apa ŋkalukusaŋgana naweŵo. 7Lomba Aloni akalukocela-po palya libona wafinuncile bwino ifyanse; incelo syonse pakuwamye'nyale ye, akalukufyoca. 8Kawili Aloni, pakwasye'nyale iciŋgulo, akalukufyoca, ifinuncile bwino ifyamuyayaya pamenso aŵaYawe pafitentekwa fyenu fyonse. 9Tesi mukapose-po palya ifinuncile bwino ifyabwensu, neli mulambu uwakoca, neli mulambu wawuŋga: kaŵili tesi muketile-po palya umulambu wakunwa. 10Nakaŵili mpindi imo pamwaka Aloni akacite ukulamwina pafitentekwa fyenu fyonse kumilopa yamulambu wafyakuŵifya uwakulamwinwa impindi imo pa mwaka; ico-co nto ciliswetelele lukoso icakuli ŵaYawe.
11Popele apo ŵaYawe ŵalilaŵile kuli Mose ati: 12Pakuŵapenda aŵaIsilaeli, koti niŵaŵo aŵakupendeka pali ŵo, popele ŵonse lukoso ŵakaŵapele ŵaYawe icakuliluŵulo'mutima wakwe, pakuŵapendo'bwinji weŵo; wikesa kufika pali ŵo umwalo, pakuŵapendo'bwinji weŵo. 13Ŵonse, aŵakupita mukuya kuli ŵaŵo aŵapendelwe, ŵakapele'fi: akasyekeli keyafu koti lisyekeli ilyakumulenda uswetelele: (isyekeli lilikumene ŵagelaci amakumi aŵili): akasyekeli keyafu mulambu uwakuli ŵaYawe. 14Aŵantu ŵonse aŵakupita mukuya kuli ŵaŵo aŵapendelwe, ukutatika paŵalele pesonde imyaka amakumi aŵili ukufika napali ŵaŵo aŵalele-po imyaka iinji, ŵakapele umulambu uwakuli ŵaYawe. 15Aŵaŵile tesi ŵakacile-po pakasyekeli keyafu, kaŵili awapeŋgele tesi ŵakacefye-po pali ko, pakupelo'mulambu uyo uwakuli ŵaYawe, mukwicitila imitima yenu ukulamwinwa. 16Popele ukapoke indalama isyakulamwinwa kuŵaIsilaeli, ukakuŵicile ukupyuŋga ukwakucitente cewuŋgano, ati iŵe cakuŵaanusya aŵaIsilaeli pamenso aŵaYawe, mukwicitila ukulamwinwa imitima yenu.
17Popele apo ŵaYawe ŵalilaŵile kuli Mose ati: 18Ukacite kaŵili umusambilo waluŵemba pamo necapansi cauo icaluŵemba, mukusambila-mo; popele ukauteke pakati pacitente cewuŋgano neconto, ukaŵike-mo amenda. 19Lomba Aloni neŵana ŵakwe ŵakasambile-mo kuminwe nakumakasa. 20Pakwinjila ŵo mucitente cewuŋgano, ŵakasambe nemenda, ŵekesa kufwa; neli nipakupalamina kuconto mukupyuŋga, mukuŵocela ŵaYawe umulambu uwamumulilo. 21Fyopele'fyo ŵakasambe kuminwe nakumakasa, ŵekesa kufwa; kaŵili ukucite'fyo kukalukuli, lifunde lyamuyayaya kuli ŵo; ekuli Aloni nakuŵana ŵakwe pafitentekwa fyaŵo fyonse.
22Kaŵili ŵaYawe kaŵalaŵila kuli Mose ati: 23Ukalipokele kaŵili ifinuncile bwino ifyo ifiweme makosa, fimola ifisuŋgulucile ifyakukumana amasyekeli imyanda isanu, naficinamomo ifya nse icintemantema cafyefyo efyakukumana amasyekeli imyanda iŵili nemakumi asanu, nafikane ifyakukumana amasyekeli imyanda iŵili nemakumi asa nu, 24naficida ifyakukumana amasyekeli imyanda isanu, koti lisyekeli ilyakumulenda uswetelele, nemafuta amaolife akwesya cini umo. 25Lomba ukafipataŋkanye fikaŵe mafuta akusuŵa-ko aswetelele, ifyakunuŋka ifipataŋkene koti mano aŵakupataŋkanye'fyakunuŋka: fikalukuli mafuta akusuŵa-ko aswetelele. 26Popeie ukasufye kuli o icitente ceŵuŋgano, nebokosi lyakuiayana, 27netebulu nefiŋkoloŋkolo fyonse ifyakuli lyo, necakuteka-po inyale nefiŋkoloŋkolo ifyakuli co, neconto icafinuncile bwino, neconto camilambu iyakoca, 28nefiŋkoloŋkolo fyonse ifyakuli co, nemusambilo necapansi icakuli wo. 29Popele ukafiswesye, ati fikalukuswetelele lukoso: fyonse'fyo ifikakuma-ko kuli fyo ŋgafikaswetelele. 30Kaŵili ukamusufye Aioni neŵana ŵakwe, nekuŵaswesya, ati ŵakalukumpyunjila muŵupapatilisi. 31Kaŵili ukalaŵile kuŵaIsilaeli ati: Aya akalukuli mafuta akunsufisya-ko pafitentekwa fyenu fyonse. 32Tesi aketilwe-po pamunefu wamuntu; kaŵili tesi mukapataŋkanye ambi akupalana nao, koti fintu ifyo ifili-mo: aswetelele kuli ŵaYawe, akalukumusweteleleni kaŵili. 33Aŵantu ŵonse ukapataŋkanya ambi akupalana naayo, kani kwaŵika pamwensu, uyo eukapinikwa uku mufumya paŵantu ŵakwe.
34Popele apo ŵaYawe ŵalilaŵile kuli Mose ati: Ulipokele ifinuncile bwino ifya nse, natafi nasyekeleti nakelibena; ifinuncile bwino ifyanse pamo nali bona uswetele: fyonse fikesye pamo pesikelo; 35popeie ukapataŋkanye kuli fyo ifinuncile bwino, ifyakunuŋka ifipataŋkene koti mano aŵakupataŋkanye'fyakunuŋka, ifiwamisiwe kumucele, ifiswetele ifyakuposa kuli ŵaLesa: 36fimbi ukapamale fiŵe tunini tunini, ukafiŵike pamenso akulayana mucitente cewuŋgano, apo apa ŋkalukusaŋgana naweŵo; fikalukumusweteleleni lukoso. 37Popele ifinuncile bwino ifyo ifi ukacita koti kupataŋkana kwafiko, tesi mukalipataŋkanisisye: fikalukumusweteleleni pakuti pali ŵaYawe. 38Awantu ŵonse ukapataŋkanya fimbi ifyakupala na nafyefyo, ifyakunuŋka koti nifyefyo, uyo eukapinikwa ukumufumya paŵantu ŵakwe.
Currently Selected:
Ifyakufuma 30: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
