Ifyakufuma 28
28
1Popele upalamisye kuli weŵo Aloni umukwanu pamo neŵana ŵakwe aŵalalume, ŵakafume muŵaIsilaeli, ati akampyunjile muŵupapatilisi; eAloni naNadabi naAbiyu, naEliasa, naliamali, aŵana ŵakwe Aloni. 2Popele ukamupasilile Aloni umukwanu ifyakufwala ifiswetelele, fikaŵe fyaŵuleme, fyaŵulombe. 3Lomba ukaambale neŵamitima yamano ŵonse, aŵo njiswisye nemupasi wamano, ati ŵakapasile ifyakufwala fyakwe Aloni mukumuswesya, ati akampyunjile muŵupapatilisi. 4Popele ifyakufwala ifi ŵakapasila nifi fi: icakulamina-mo intiŵi, naefodi, nemwinjila, nelaya lyafisemba, nensalu yapamutwi, nemusipi; lomba ŵakamupasilile ifyakufwala ifiswetelele Aloni umukwanu neŵana ŵakwe, ati akampyunjile muŵupapatilisi. 5Lomba ŵakapoke insalu yegolide, neifitile koti liulu, neikascile panini, neikasicile cee, nensalu inacile.
6Popele ŵakapasile efodi kwigolide, nakunsalu ifitile koti liulu, neikasicile panini, neikasicile cee, naku nsalu iyakupyata inacile, imilimo yakwe mfundi uwamano. 7Kaŵili efodi akalukuli nefyapafifusi fiŵili ifilundilwe kumpelo syakwe, ati akalundaŋkane, 8Kaŵili umusipi uposelwe nemano uyo uli pali efodi, uwakumupimpa, ukacitwe koti mekalilo opele ku nsalu intu imo: kwigolide, nakunsalu ifitile koti liulu, neikasicile panini, neikasicile cee, nensalu iyakupyata inacile. 9Popele ukawule amabwe esyoyami aŵili, ukalembe pali o amasina aŵaIsilaeli: 10pebwe limo ukalembe amasina aŵo asanu nalimo, napebwe limbi napo ukalembe amasina aŵaŵo wasanu naumo aŵasyele-po, koti kufyalwa kwaŵo. 11Kumilimo yamulembesi wapamabwe, koti malembo apansalamu, ukalembe pama bwe ayo aŵili, koti masina aŵaIsilaeli; ukafiŵike mufyakwikata-ko ifyegolide. 12Kaŵili ukaŵike amabwe ayo aŵili pafyapafifusi ifyakuli efodi, ati fikaŵe mabwe akuŵaanusya aŵaIsilaeli; lomba Aloni eli akapinta amasina aŵo pamenso aŵaYawe pafifusi fyakwe fyoŵilo koti cakwanusya. 13Kaŵili ukacite ifyakwikata-ko ifyegolide, 14neminyololo iŵili iyegolide iliswetele; ukacite koti myando iyakupyata; popele ukakake iminyololo ipyatilwe kufyakwikata-ko.
15Kaŵili ukacite icakulamina-mo intiŵi icakusololola, imilimo yakwe mfundi uwamano; ukacicite koti milimo yakwe efodi; ukacicite kwigolide, nakunsalu ifitile koti liulu, neikasicile panini, neikasicile cee, nakunsalu iyakupyata inacile. 16Cikalole pane, cikalukufutwilwe; muŵutali cikesye icipanta, namubwipi namo cikesye icipanta. 17Popele ukaŵike pali co ifyakwikata-ko ifili nemabwe, imiloŋge yamabwe ine: umuloŋgo wakutaŋga ukalukuli nasadyo natopasi nabaleketi; 18umuloŋgo waŵuiŵili ukalukuli nasimalajido nasafila nayakalomo; 19umuloŋgo waŵuitatu ukalukuli nawacinti nasyebu naametusito; 20umuloŋgo waŵuine ukalukuli nabelulo nesyoyami nayasipa: amabwe onse akaŵikwe mwigolide mufyakwikata-ko fyao. 21Popele amabwe akalukuli koti masina aŵaIsilaeli, ikumi naaŵili koti ma sina aŵo; koti malembo apansalamu, amabwe akaŵela imikoka yaŵaIsilaeli ikumi naiŵili, onse koti ma sina aiyo. 22Kaŵili ukacite peulu pacakulamina-mo intiŵi iminyololo koti myando iyakupyata iyegolide iliswetele. 23Nakaŵili ukacite pacakulamina-mo intiŵi imikoŋko yegolide iŵili, popele ukeŵike imikoŋko iyo iŵili pampelo syacakulamina-mo intiŵi syoŵilo. 24Lomba ukaŵike iminyololo iyo iŵili iyegolide ipyatilwe pamikoŋko iŵili kumpelo syacakulamina-mo intiŵi. 25Popele impelo isyo simbi siŵili isyaminyololo ipyatilwe ukasikake kufyakwikata-ko fiŵili, eli ukafiŵike pafyapafifusi ifyakuli efodi pantanjile pali ye. 26Kaŵili ukacite imikoŋko yegolide iŵili, ukaŵike pampelo syacakulamina-mo intiŵi siŵili pamukombelo wacico uli pambali yakwe efodi mukati. 27Nakaŵili ukacite naimbi imikoŋko yegolide iŵili, ukeŵike pafyapafifusi fiŵili ifyakuli efodi pansi, pantanjile pali ye, apepi napamulundo wafifyo, peulu lyamusipi uposelwe nemano uyo uli pali efodi. 28Popele kumikoŋko yacico ŵakakake icakulamina-mo intiŵi kumikoŋko yakwe efodi necakupyata icifitile koti liulu, ati cikekale peulu lyamusipi uposelwe nemano uyo uli pali efodi, icakulaminamo intiŵi cikakakulucila kuli efodi. 29Popele Aloni akalukupinta amasina aŵaIsilaeli mucakulamina-mo intiŵi icakusololola pamutima wakwe, pakwinjila ye umo umuswetelele, koti cakwanusya pamenso aŵaYawe insiku syonse. 30Kaŵili ukaŵike mucakulamina-mo intiŵi icakusololola Yulimi naTumimi; ŵo ŵakalukuli pamutima wakwe Aloni, pakwinjila ye pamenso aŵaYawe; lomba Aloni akalukupinta ukusololola kwaŵaIsilaeli pamutima wakwe pamenso aŵaYawe insiku syonse.
31Popele ukapasile umwinjila wonse uwakwe efodi kunsalu ifitile koti liulu. 32Lomba umwinjila ukalukuli necipense icakupusisya-mo umutwi pakati pali wo; ukalukuli nemukombelo upicilwe usiŋgulucile kucipense cauo, koti cipense icakuli kaminsa wacela, ciikesa kukwamuka. 33Kaŵili pansi pamwinjila ukapasile ŵalimono ku nsalu ifitile koti liulu, neikasicile panini, neikasicile cee, apasiŋgulucile pamwinjila pansi; nendiŵu syegolide nasyo ukatunjile pakati napakati pali ŵo apasiŋgulucile; 34pakalukuli indiŵu yegolide nalimono, lomba naimbi indiwu yegolide naumbi limono, pansi yamwinjila apasiŋgulucile. 35Popele ukalukuli pali Aloni pakupyuŋga ye, lomba ukulila kwauo kukomfwanika pakwinjila ye umo umuswetelele pamenso aŵaYawe, napakufuma ye, eŋgesa kufwa.
36Popele ukacite icela cegolide iliswetele, ukalembe pali co, koti malembo apansalamu, ati: UKULIPOSA UKWAKULI ŴAYAWE. 37Popele ukaciŵike pacakupyata icifitile koti liulu, lomba cikalukuli pansalu iyapamutwi; cikalukuli pantanjile pamenso pansalu iyapamutwi. 38Lomba cikalukuli pampumi yakwe Aloni, popele Aloni akalukupinto'kuŵipa kwafintu ifiposelwe, ifyo ŵakaposa kuli ŵaLesa aŵaIsilaeli pamilambu yaŵo iyakuposa; kaŵili cikalukwikele pampumi yakwe insiku syonse, ati fikaŵe nimpokelo pamenso aŵaYawe.
39Popele ukapose umwinjila kufyakupika ifya nsalu inacile; kaŵili ukacite insalu iyapamutwi ku nsalu inacile; nakaŵili ukacite umusipi, imilimo yamutunjisi.
40Kaŵili ukaŵapasilile aŵana ŵakwe Aloni aŵalalume iminjila, ukaŵacitile imisipi, nefyapamitwi kaŵili ukaŵacitile, ifyaŵuleme ifyaŵulombe. 41Popele ukafwike Aloni umukwanu neŵana ŵakwe pamo nakwe; ukaŵasufye nemafuta, nekuŵalekanya nekuŵaposa kuli ŵaLesa, ati ŵakampyunjile muŵupapatilisi. 42Kaŵili ukaŵapasilile ŵakaputula wansalu, mukufimba-po pamunefu wansoni syaŵo; ŵakakumane kuluŵunda nakutusolo nako ŋgawakaficile; 43lomba ŵakalukuli pali Aloni napaŵana ŵakwe, pakwinjila ŵo mucitente cewuŋgano, neli nipakupalamina ŵo kuconto mukupyuŋga umo umuswetelele; ŵekesa kupinta ukuŵifya, ŵekafwa. Ifyo fikalukuli lifunde kuli ye nakuŵana ŵakwe panuma pakwe insiku syonse lukoso.
Currently Selected:
Ifyakufuma 28: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
