Ifyakufuma 27
27
1Popele ukacite iconto kuciti camuŋgasenje, uŵutali bwaciko ŵukakumane amakubita asanu, namubwipi namo mukakumane amakubita asanu; iconto cikalukulola kune: kaŵili uŵutali bwaciko ubwakwesya peulu ŵukakumane amakubita atatu. 2Popele pamakoŋko paciko ponane ukacite amaseŋgo aciko; amaseŋgo aciko akaŵumbilwe kumo naco; lomba ukaŵike peulu pali co uluŵemba. 3Kaŵili ukaŵumbe amanoŋgo aciko akufumisya-mo amatoi aciko nemafosyolo aciko, nemabeseni aciko, nendoŵo syaciko isyafinani, nefyela fyaciko ifyamulilo. Ifiŋkoloŋkolo fyaciko fyonse ukaficite kuluŵemba. 4Kaŵili ukacicitile icakupika koti kombe icaluŵemba; popele peulu pakombe ukacite imikeŋko yaluŵemba ine pamakoŋko paciko ponane. 5Popele ukaciŵike pansi pambali isiŋgulucile ico nto pansi, fyopele'fyo akombe kakafike pakati napakati paconto. 6Kaŵili ukacicitile ico nto imitembo, imitembo yaciti camuŋgasenje, ukaŵike peulu pali yo uluŵemba. 7Popele imitembo yaciko ikapusiwe mumikoŋko; kaŵili imitembo ikalukuli pambali syaconto siŵili pakucitemba. 8Ukacicite kumata bwa koti libokosi ilili nelupako pakati; koti nifyefyo ifilanjisiwe kuli weŵo palupili, koti nifyopele'fyo efi ŵakacicita.
9Lomba ukacite icaluŵansa icakwisema: paciŵafu icakusaufu pakalukuli ifipembe ifyakucaluŵansa ifyansalu iyakupyata inacile, fikakumane amakubita umwanda umo paluŵali lumo. 10Kaŵili pakalukuli impanda amakumi aŵili, netulindi amakumi aŵili utwaluŵemba; ifyawundowo fyakumpanda nendondo syasiko isyakuŵambakanya sikalukuli syesilifa. 11Fyopele'fyo kaŵili napaciŵafu icakunofu pakalukuli ifipembe ifyakukumana amakubita umwanda umo, nempanda syakuko sikalukuli makumi aŵili, netulindi makumi aŵili utwaluŵemba; nefyaŵundoŵo ifyakumpanda kaŵili nendondo syasiko isyakuŵambakanya sikalukuli syesilifa. 12Kaŵili pabwipi ubwakucaluŵansa paluŵali ulwakumbonsi, pakalukuli ifipembe ifyakukumana amakubita amakumi asanu; impanda syafiko sikalukuli likumi, ne tuli ndi twasiko likumi. 13Nakaŵili pabwipi ubwakucaluŵansa paluŵali ulwakumutulesuŵa ŵukakumane amakubita amakumi asanu. 14Ifipembe ifyakuluŵali lumo ulwapamusiko fikalukuli makubita ikumi naasanu; impanda syafiko sikalukuli sitatu, netulindi twasiko tutatu. 15Kaŵili napaluŵali lumbi ulwapamusiko pakalukuli ifipembe ifyakukumana amakubita ikumi naa sanu; impanda syafiko sikalukuli sitatu, netulindi twasiko tutatu. 16Popele pamusiko uwakucaluŵansa pakalukuli icicicilo icakwesya amakubita amakumi aŵili, icakuposwa kunsalu ifitile koti liulu, neikasicile panini, neikasicile cee, neyakupyata inacile, imilimo yamutunjisi; impanda syaciko sikalukuli sine, netulindi twasiko tune. 17Impanda syonse isyakusiŋguluke'caluwansa sikalukuŵambakene kundondo syesilifa; ifyaŵundoŵo fyasiko fikalukuli fyesilifa, netulindi twasiko tukalukuli twaluŵemba. 18Icaluŵansa muŵutali mukakumane amakubita umwanda, namubwipi namo monse mukakumane amakubita amakumi asanu, kawili uŵutali ubwakwesya peulu ŵukakumane amakubita asanu, ifya nsalu iyakupyata inacile, netulindi twaluŵemba. 19Ifyamilimo fyonse ifyakwisema ifyakukupyuŋga kwalilyo konse, pamo nemisoŋga yalilyo yonse, nemisoŋga yonse iyakucaluŵansa, fyonse fikalukuli fyaluŵemba.
20Lomba ukaŵaŵule aŵaIsilaeli ati ŋgaŵakalete kuli weŵo amafuta amaolife aswetele akandilwe akunyale, ati akalukwasye'nyale insiku syonse. 21Mucitente cewuŋgano, pesonde lyacipembe icili pamenso akula ya na, Aloni ncŵana ŵakwe aŵalalume ŵakalukuyansika pamenso aŵaYawe iciŋgulo ukufika nakulucelo: ifyo fikalukuli lifunde insiku syonse lukoso ponse pafitentekwa fyaŵo pakuti paŵaIsilaeli.
Currently Selected:
Ifyakufuma 27: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
