Ifyakufuma 26
26
1Kaŵili ukacite isema, likalukuli nefipembe ikumi; ukafipose kunsalu iyakupyata inacile, neifitile koti liulu, neikasicile panini, neikasicile cee, neitalilwe-po ŵakelubi, imilimo yakwe mfundi uwamano. 2Uŵutali bwafipembe fyonse ŵukakumane amakubita amakumi aŵili naasanu muli asanu naatatu; kaŵili mubwipi bwafipembe fyonse mukakumane amakubita ane; ifipembe fyonse ukufyesya fikelane pamo. 3Ifipembe fisanu fikalundaŋkane; kaŵili nafimbi ifipembe fisanu fikalundaŋkane, 4Kaŵili ukacite ifyaŋkoŵeko ififitile koti liulu pamukombelo wacipembe cimo kumpeto pamulundo; fyopele'fyo ukaficite pamukombelo wacipembe icipelele-ko lukoso pamulundo waŵuiŵili. 5Pacipembe cimo ukacite ifyaŋkoŵeko amakumi asanu, kaŵili pamukombelo wacipembe icili pamulundo waŵuiŵili ukacite ityaŋkoŵeko amakumi asanu; ifyaŋkoŵeko fikatontoŋkane. 6Nakaŵili ukacite ifyaŵundoŵo fyegolide amakumi asanu, nekufilundaŋkanya ifipembe kufyaŵundoŵo; popele isema likalukuli limo.
7Kaŵili ukacite ifipembe fyamasako ambusi, fikalukuli citente peulu pesema; ukaficite ifipembe ikumi nacimo. 8Uŵutali bwafipembe fyonse ŵukakumane amakubita amakumi atatu, kaŵili mubwipi bwafipembe fyonse mukakumane amakubita ane; ifipembe ikumi nacimo ukufyesya fyonse fikelane pamo. 9Popele ukalundaŋkanye ifipembe fisanu pantu pamo, nafimbi fisanu nacimo pantu pafiko; kaŵili ukapetule icipembe icakukoŵeka-mo pantanjile pacitente. 10Kaŵili ukacite ifyaŋkoŵeko amakumi asanu pamukombelo wacipembe ico icipelele-ko lukoso pamulundo, nafimbi ifyaŋkoŵeko amakumi asanu pamukombelo wacipembe icipelele-ko lukoso pamulundo waŵuiŵili. 11Nakaŵili ukacite ifyaŵundoŵo, fyaluŵemba amakumi asanu, nekuŵike'fyaŵundoŵo mufyaŋkoŵeko, nekulundaŋkanya icitente, ati cikalukuli cimo. 12Popele ako akalepucile akakusyala-po pafipembe ifyakucitente, akapembe ako akakusyala-po, kakalepucile panuma yesema. 13Kaŵili ako akakwesya ikubita limo paluŵali lumo, nakako akakwesya ikubita limo paluŵali lumbi nalo, utwakusyalapo paŵutali bwafipembe ifyakucitente, tukalepucile pambali syesema paluŵali apa napaluŵali apo, mukufimba-po pali lyo.
14Kaŵili ukacite icakufimba-po pacitente icafisewa fyambelele isyalalume ifisaŋgwilwe ati fikasicile, nakaŵili necakufimba-po peulu icafiseŵa fyamatakasi.
15Kaŵili ukacite ama tabwa akwisema, aciti camuŋgasenje ati eme. 16Uŵutali bwamatabwa ŵukakumane amakubita ikumi, namubwipi bwamatabwa namo mukakumane ikubita limo neyafu. 17Pamatabwa onse pakalukuli utukoli tuŵili utuŵambakene bwino; ukalukwacitile'fyo amatabwa onse akwisema. 18Kaŵili ukacite amatabwa akwisema, ama tabwa amakumi aŵili kuciŵafu icakusaufu. 19Kaŵili ukacite utulindi twesilifa amakumi ane pansi yamatabwa ayo amakumi aŵili; utulindi tuŵili pansi yetabwa limo mukwinjisisya-mo utukoli twaliko tuŵili, natumbi utuli ndi tuŵili pansi yetabwa limbi mukwinjisisya-mo utukoli twaliko tuŵili; 20nakaŵili napaluŵafu Iwesema ulwaŵusiŵili kuciwafu icakunofu, ukacite amatabwa amakumi aŵili, 21netulindi twao utwesilifa amakumi ane; utuli ndi tuŵili pansi yetabwa limo, natumbi utulindi tuŵili pansi yetabwa limbi. 22Popele panuma yesema kumbonsi ukapacitile ama tabwa asanu nalimo. 23Kaŵili ukacite amatabwa aŵili akufilulu fyesema ifyakunuma. 24Popele akaŵambakane pansi; kaŵili akalukuli amo aŵuluŵulu ukufika napeulu kumukoŋko umo; oŵilo akalukuli koti nifyopele'fyo; akalukuli akufilulu fyoŵilo. 25Lomba pakalukuli ama tabwa asanu naatatu, netulindi twao twesilifa nato, pakalukuli utulindi ikumi natusanu nakamo; utuli ndi tuŵili tukalukuli pansi yetabwa limo, natumbi utulindi tuŵili pansi yetabwa limbi.
26Kaŵili ukacite imitaŵiko yaciti camuŋgasenje: isanu iyakumatabwa akuluŵali lumo Iwesema, 27naimbi imitaŵiko isanu iyakumatabwa akuluŵali lumbi Iwesema, naimbi imitaŵiko isanu iyakumatabwa akuluŵali Iwesema ulwakunuma ulwakumbonsi. 28Kaŵili umutaŵiko uwapakati ukakumane kumpelo syoŵilo pakati pama tabwa lukoso. 29Popele ukaŵike peulu pama tabwa igolide iliswetele; kaŵili ukacite imikoŋko yao kwigolide apakwinjisisya imitaŵiko; nakaŵili ukaŵike igolide peulu pamitaŵiko.
30Lomba ukaliiŵaka isema koti mekalilo aliko alanjisiwe kuli weŵo palupili.
31Ukapose icipembe kunsalu ifitile koti liulu neikasicile panini neikasicile cee naku nsalu iyakupyata inacile; cikacitwe naŵakelubi, imilimo yakwe mfundi uwamano; 32popele ukacikoŵeke pampa nda sine isyaciti camuŋgasenje isiŵicilwe peulu igolide; ifyaŵundoŵo fyasiko fikalukuli fyegolide, peulu patulindi twesilifa tune. 33Lomba ukacikoŵekele icipembe pansi yafyaŵundoŵo; eli ukenjisye umo mucipembe ibokosi lyakulayana; popele icipembe cikamulekanisisyeni umulenda uswetelele nawoyo uswetelele swete. 34Popele ukaŵika peulu pebokosi lyakulayana icifuniko cacifuto mumulenda uyo uswetelele swete. 35Kaŵili ukaŵike itebulu pesonde lyacipembe, necakuteka-po inyale naco ukaciŵike mumulola wetebulu paluŵali Iwesema ulwakusaufu; lomba itebulu ukaliŵike kuciŵafu icakunofu.
36Popele ukacite icakucicila icakumulyaŋgo uwakwisema, icifitile koti liulu, necikasicile panini, necikasicile cee, necansalu iyakupyata inacile, imilimo yamutunjisi. 37Kaŵili ukacicitile icakucicila impanda syaciti camuŋgasenje sisanu, ukaŵike peulu pali syo igolide; ifyaŵundoŵo fyasiko fikalukuli fyegolide; kaŵili ukasiŵumbile utulindi twaluŵemba tusanu.
Currently Selected:
Ifyakufuma 26: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
