Ifyakufuma 15
15
1Popele apo Mose neŵaIsilaeli ŵaliŵembile ŵaYawe ulu-lwimbo, nekulaŵila ati:
Nakulukuŵembila ŵaYawe, pakuti ukucila ŵacilo'ŵukulu;
Kafwalo newakwendela-po ŵali ŵaŵaposa mwisiŵa.
2ŴaYawe makosa anji, lwimbo lwanji,
Kaŵili ŵaliŵele kupuluka kwanji;
Aŵa eŵaLesa ŵanji, lomba nakulukuŵalemya;
NiŵaLesa ŵaŵatata, lomba nakulukuŵacindika.
3WaYawe ŵantu waŋkondo:
WaYawe esina lyaŵo.
4Iŋgolofwana syakwe Falo pamo neŵumba lyakwe ŵali ŵaliposa mwisiŵa;
Kaŵili ifilolo fyakwe ifisalulwilwe filiiwile muCisiŵa leikasicile.
5Amenda atali alukufiputa;
Fyaiŵila mumenda atali koti libwe.
6MweŵaYawe, ukuŵoko kwenu ukwalwine kuli neŵuleme muŵukulu;
MweŵaYawe, ukuŵoko kwenu ukwalwine kulasansalo'tupondo.
7Kaŵili kuŵukulu bwakuwama kwenu mulaŵawisya aŵo aŵamwimineni;
Mulatumo'ŵukali bwenu, ŵulaŵoca koti cani icumine.
8Kaŵili kucifomo icamumyona yenu amenda ali aŵunjika;
Uŵuloŵe bwali bwaimakana koti mupili;
Amenda atali ali atimba mukati mwisiŵa.
9Akapondo ati:
Nakulonda, nakuŵekata, nakwaŵa ifyakutapa:
Ukukumbwa kwanji kwakwikutila pali ŵo;
Nakusomone'mpoko yanji, ukuŵoko kwanji kwakuŵonala.
10Mwali mwapupa kucipupu cenu, lomba isiŵa lyali lyaŵaputa;
Wali ŵaiŵila koti ciledi mumenda akulu.
11Pakati pali ŵalesa mbaninani upalene namweŵo mweŵaYawe?
Mbaninani umupalileni, mwemuli neŵuleme mukusweta,
Mwemuli nekutondwa pakumucindikeni, mwemucite'fimpelampela?
12Mwali mwatambiko'kuŵoko kwenu ukwalwine,
Lomba necalo nekuŵamina.
13Koti niŋkumbu syenu mwaŵatanjilila aŵantu aŵa mulubwile;
Koti makosa enu mwaŵalanjisya ukuŵafisya kunanda yenu iswetelele.
14Aŵantu ŵaliumfwile, ŵalukututuma;
Ukusomena kuliŵekete aŵantu aŵalukwikala mucalo caFilisiti.
15Ilyo kasikaŋkamana imfumu syaEdomi;
Ukututuma kulaŵekatisya aŵantu ŵakuMoabi aŵamakosa;
Aŵantu aŵakwikala mucalo caKanani ŵonse walisuŋgulucile.
16Umwenso nekususwa kuliponene pali ŵo;
Pakuti paŵukulu bwakuŵoko kwenu ŵaliikele lukoso kete koti libwe;
Ili tawaŋgaawuka aŵantu ŵenu, mweŵaYawe,
Ili tawaŋgaawuka aŵantu aŵo aŵa muulile.
17Mukaŵenjisya, nekuŵalimbila palupili lwaŵupyani bwenu,
Apo-pantu apa mulicitile ati twakulukwikala-mo, mweŵaYawe,
Pamulenda uswetelele, uwaikalicile iminwe yenu, mweŵaYawe.
18ŴaYawe ŵakalukwikaliko'ŵufumu insiku syonse lukoso pee.
19Pakuti ŵakafwalo ŵakwe Falo ŵaliinjile mucisiŵa pamo neŋgolofwana syakwe neŵantu ŵakwe aŵapali ŵakafwalo, popele ŵaYawe ŵalibwesesye pali wo amenda amucisiŵa; sombi aŵaIsilaeli ŵo ŵaliendele apomine pakati pacisiŵa.
20Popele Milyami, uwakusimika, iŋkasi yakwe Aloni, aliŵulile muminwe yakwe akawoma, ncŵanakasi ŵonse naŵo ŵalifumine ukumulonda netuwoma nekusyana. 21Popele Milyami waliŵaasucile ati:
Kamuŵembila ŵaYawe, pakuti ukucila ŵacilo'ŵukulu;
Kafwalo newakwendela-po ŵali ŵaŵaposa mwisiŵa.
22Popele apo Mose waliŵatanjilile aŵaIsilaeli ukufuma kuCisiŵa leikasicile, naŵo kaŵaya mumpanta iyakuSyuli; lomba kaŵalukwenda mumpanta insiku sitatu, nekuŵulo'kuŵona amenda. 23Lomba, ili ŵaficile kuMa la, taŵaisiŵile ukunwa amenda akuMala, pakuti alilulile; pakuti pali fyefyo isina lyapapo lyaliilicilwe ati ni Mala. 24Popele aŵantu kaŵamutamacila Mose ati: Mbatwakunwe'ndo? 25Naye kaaŵalilila ŵaYawe; naŵo ŵaYawe kaŵamulanjisyo'muti, nemuti uyo Mose kaauposa mumenda, nemenda nao kaaŵa nense. Kopele uko ŵaYawe ŵaliŵacitile ukulayana nefunde, nakoko kaŵili ŵaliŵesesye; 26naŵo ati: Kani wakulukumfwisya bwino isiwi lyaŵaYawe Lesa woŵe, nekulukucite'fyo ifiluŋgeme pamenso aŵo, nekulukukuticile amafunde aŵo, lomba neŵo tesi ŋkawike pali weŵo amalwele, ayo naŵicile paŵaIjipiti, neli ŵumo; pakuti neŵo eneŵaYawe, nendukukuŵusya.
27Popele apo ŵalificile kuElimi, ukwali utuntupuntupu twamenda ikumi natuŵili, nefincindu amakumi asanu naaŵili; naŵo ŵalikomene amasema apo pamenda.
Currently Selected:
Ifyakufuma 15: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
