Ifyakufuma 13
13
1Lomba ŵaYawe ŵalilaŵile kuli Mose ati: 2Ndekanisisye-ko aŵaŵele ŵonse, ŵonse aŵo aŵakwisula munda pakati paŵaIsilaeli, neŵantu nenama; ŵanji.
3Popele apo Mose walilaŵile kuwantu ati: Laŋgulukeni aka-kasuŵa, aka mufuminc-mo mucalo caIjipiti, muŋanda yaŵukalume; pakuti ŵaYawe ŵamufumisyeni-mo muno-muntu kumakosa akukuŵoko kwaŵo: tesi paliwe siŋkwa wamusuŋga neli kamo. 4Mulifumine lelo pamwensi waAbibi. 5Popele apo, ili ŵakamufisyeni ŵaYawe mucalo caŵaKanani neŵaYeti neŵaAmoli neŵaYifi neŵaJebusi, ico ŵalayene naŵawisinwe nekulapa ati ŋkamupeleni, mucalo umulukukuŋka'mandili neŵuci, eli mukalukulamo'kupyuŋgo'ku pa mwe nsi uno. 6Insiku sisanu nasiŵili mukalukulye'fimpwampwa ifyakuwulo'musuŋga, lomba pakasuŵa kaŵusisanu nasiŵili pakalukuli icitonje icakuli ŵa Yawe. 7Ifimpwampwa ifyakuwulo'musuŋga fikalukuliwa pansiku isyo syosanu nasiwili; lomba tesi pakawoneke pali mweŵo siŋkwa wamusuŋga neli panini; kaŵili tesi pakaŵoneke pali mweŵo neli musuŋga wonse, mumi paka yenu yonse, tau. 8Popele ako-kasuŵa ukamuŵule umwana woŵe ati: Nipakuti pali fyefyo ifi ŵancitile ŵaYawe, ili nafumine mucalo caIjipiti. 9Popele fikalukuli koti kesiŵilo kuli weŵo pakuŵoko koŵe, nako ti cakwanusya pakati pamenso oŵe, ati ifunde lyaŵaYawe likaŵe mukanwa koŵe; pakuti ŵaYawe ŵalimufumisyeni mucalo caIjipiti kukuŵoko ukukosele. 10Pakuti pali fyefyo mukai ukulamo'kufunda uku pampindi yakoko imyaka namyaka.
11Popele apo, ili ŵakamufisyeni ŵaYawe mucalo caKanani koti nifyefyo ifi ŵalayene nekulapa kuli mweŵo nakuli ŵawisinwe, nekumupeleni co, 12eli mukaŵalekanisisye ŵaYawe ŵonse aŵakwisula munda, nenama syonse'syo isitaŋgo'kufyatwa kunama; aŵalalume ŵakalukuli ŵa ŵaYawe. 13Kaŵili umwana wamboŋgolo umuŵele mukaluŵule nemwana wambelele; sombi kani tesi mukamuluŵule, eli mukamukonone umukosi; kaŵili neŵana ŵenu aŵalalume aŵaŵele mukaŵaluŵule. 14Popele apo, ili akakwipusya pantanjile umwana woŵe ati: Mbeci cindo? eli ukalaŵile kuli ye ati: ŴaYawe ŵalitufumisye mucalo caIjipiti muŋanda yaŵukalume kumakosa akuŵoko kwaŵo; 15popele lomba, pakuŵulo'kufwaya Falo ukutuleka, eli waŋgawepaya ŵaYawe aŵaŵele ŵonse mucalo caIjipiti, neŵana ŵaŵantu aŵaŵele, neŵana ŵanama aŵaŵele; pakuti pali fye fyo ndaŵepaila ŵaYawe imilambu isyalalume syonse isyakwisula munda; sombi aŵana ŵanji aŵaŵele ŵonse ndaŵaluŵula. 16Popele pakalukuli koti kesiŵilo pakuŵoko koŵe, nakoti camuntinya pakati pamenso oŵe: pakuti ŵaYawe ŵalitufumisye mucalo caIjipiti kumakosa akuŵoko kwawo.
17Popele apo, ili aŵalekele awantu Falo, lomba ŵaLesa taŵaŵatanjilile pansila iyapacalo caŵaFilisiti, naŋgawa ati iyo yakupinicila, ipi; pakuti ŵaLesa walilawile ati: Ŵekesa cipale awantu kwalule'mitima yaŵo, pakuwone'ŋkondo, naŵo ŵekesa kubwelela kucalo caIjipiti: 18sombi ŵaLesa ŵaliŵatanjilile aŵantu pansila iyakupopoloka iyamumpaŋga lukoso iyapaCisiŵa leikasicile; kaŵili aŵaIsilaeli ŵalifumine mucalo caIjipiti ŵali ne mata aŵo.
19Popele Mose walipintile nemafupa akwe Josefi; pakuti Josefi kale aŵalapisye aŵaIsilaeli ati: Icine ŵaLesa ŵakesa mukumuŵoneni; lomba mukafumye-mo muno amafupa anji ukwapinta nenu pamo.
20Popele ŵaliimine ulwendo lwaŵo ukufuma kuSukoti, nekukomena'masema kuEsami, mumbali yampanta. 21Lomba ŵaYawe ŵalukuŵatanjilila kwikumbi pakasuŵa, mukuŵalanjisye'nsila, napaŵusiku walukuwatanjilila mumulilo, mukuŵapelo'kutuŵa; ati ŵalukwenda napakasuwa napaŵusiku; 22ikumbi talilekele ukuŵatanjilila aŵantu pakasuŵa, nemulilo nao toŵalekele uŵusiku.
Currently Selected:
Ifyakufuma 13: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
