Ifyakufuma 11
11
1Popele apo ŵaYawe ŵalilaŵile kuli Mose ati: Casyale'cincinsya cimo ici ŋkaleta pali Falo napacalo caIjipiti; popele pantanjile akasumina ati mukafume-po napapa: impindi iyo akamulekeleleni, icine akamutamfisyeni-mo namumuno. 2Ulaŵile pano mumatwi aŵantu, ŋgawalombe aŵalalume ŵonse kuŵaŵyaŵo, neŵanakasi ŵonse naŵo ŋgaŵalombe kuŵaŵyaŵo amataŋgalo esilifa nemataŋgalo egolide. 3Popele ŵaYawe ŵaliŵapele aŵantu uluse pamenso aŵaIjipiti. Kaŵili uyo-muntu Mose wali mukulu ukwakuti mucalo caIjipiti, pamenso aŵapyunjisi ŵakwe Falo, napamenso aŵantu.
4Lomba Mose ati: ŴaYawe ŵalaŵila ati: Pakati paŵusiku ŋkafuma ŋkapitana pakati pacalo caIjipiti; 5popele aŵana ŵonse aŵaŵele aŵamucalo caIjipiti ŵakafwa, ukutaticila pamwana umuŵele uwaŵaFalo aŵekele peteŵe lyaŵo, nekufika nakumwana wamusyakasi uli kunuma yacimabwe, pamo neŵana ŵanama ŵonse. 6Popele pakalukuli umusowa ukulu monse mucalo caIjipiti, uwakuŵe'fyo nekale konse tapaŋgawa, kaŵili tapakalukuli-po uwakuŵe'fyo liŵili. 7Sombi Ilkuŵaŵucila aŵaIsilaeli neli nimbwa taikapusyo'lumini lwaiyo ukuŵaŵucila neli ŵantu neli ninama: ati mukesiŵe ati ŵaYawe ŵaŵiko'mupaka pakati paŵaIjipiti neŵaIsilaeli. 8Popele aŵa ŵonse aŵapyunjisi ŵenu ŵakaselucila kuli neŵo, nekwinamisya kuli neŵo, nekulaŵila ati: Fumeni-mo mweŵo, pamo neŵantu ŵonse aŵalukumulondeni. Popele panuma yafyefyo ŋkafuma. Naye Mose walifumine pali Falo nekufitwa ukukali.
9Popele ŵaYawe ŵalilaŵile kuli Mose ati: Tesi akumfwe Falo: ifyo ati ifimpelampela fyanji fikafule mucalo caIjipiti. 10Lomba Mose naAloni ŵalicitile ifimpelampele'fyo fyonse pamenso akwe Falo: popele ŵaYawe ŵalikosesye umutima wakwe Falo; naye Falo taasumine ati ŵafume mucalo cakwe aŵaIsilaeli.
Currently Selected:
Ifyakufuma 11: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
