Danyeli 5
5
1Belisyasa, imfumu, walisicitile icitenje icikulu impemba syakwe imyanda ikumi, nekulukunwa nelufaina pamenso asisyo imyanda ikumi. 2Peŋka Belisyasa, ili aumfwile ulufaina, waliŵafundile aŵantu ŵakwe ati ŋgawalete ifiŋkoloŋkolo ifyegolide nefyesilifa ifyo ifi ŵaNebukadinesa ŵawisi ŵafumisye kwitempuli ilyali kuJelusalemi; ati imfumu, nempemba syaiyo neŵakasi ŵaiyo, neŵanakasi ŵaiyo, ŵalukunwina-mo. 3Peŋka kaŵaleta ifiŋkoloŋkolo ifyegolide ifyafumisiwe kwitempuli lyananda ya ŵaLesa, iyali kuJelusalemi; nayo imfumu nempemba syaiyo neŵakasi ŵaiyo neŵanakasi ŵaiyo nekulukunwina-mo. 4Ŵo ŵalukunwa ulufaina nekulukucindika ŵalesa ŵegolide neŵesilifa neŵaluŵemba neŵamfitwe neŵaciti neŵamabwe.
5iyo-mpindi yopele palibwenekele iminwe yakuŵoko kwamuntu, nekulukulemba apepi pacakuteka-po inyale pamutoto uwakuciŵumba cananda yamfumu; nayo imfumu nekuŵona icakuŵoko icalukulemba. 6Peŋka pamenso amfumu palialucile, nekulaŋguluka kwaiyo nekwikatasya, nemalundo apatusolo twaiyo nekunaka, nemakufi aiyo nao nekuŵoŵanya. 7Peŋka imfumu yaliŵilicisye ati ŵenjisye aŵalaye neŵaKalidaya neŵayambo. Imfumu yalilaŵile kuŵamano aŵakuBabiloni ati, Aŵantu ŵonse uyo, uwakupenda ilembo ili nekumbwenesya ukuŵulisisya kwaliko, eukafwikwa ifikasicile, nekupoka neminyololo yegolide mumukosi wakwe, nekuŵa wakwikalika muŵufumu uwaŵuŵatatu.
8Peŋka ŵaliinjile aŵamano ŵamfumu ŵonse; sombi taŵaisiŵile-po ukulipenda ilembo, neli kwiŵulisisya imfumu ifyalilyo. 9Pakuti pali fyefyo imfumu Belisyasa nekulemuko'kwakuti mumutima, napamenso nekwaluka, nempemba syaiyo nekukaŋkamuka.
10Sombi ŵamukolo ŵamfumu ŵaliinjile muŋanda yakulila-mo pakuti pamasiwi amfumu nempemba syaiyo; naŵo ŵamukolo nekulaŵila ati, Mwemfumu ŋgamulukwikala nemweo insiku syonse lukoso; mwisumina ati ukulaŋguluka kwenu kulukumukatasyeni, pamenso penu pealuka. 11Emwali muŵufumu bwenu umuntu umuli umupasi waŵalesa aŵaswetelele; lomba pansiku syaŵawisinwe ukutuŵa nekalaŋgo nemano, koti mano aŵalesa, alibwenwe muli ye; kaŵili imfumu Nebukadinesa ŵawisinwe, emfumu ŵawisinwe, yalimwikalicile ati nisikulu waŵamano neŵalaye neŵaKalidaya neŵayambo; 12pakuti umupasi uweme nekwisiŵa nekalaŋgo nekuŵulisisya kwafiloto nekubwenesya kwamasiwi amfinsi nekusuŋgulula kwakukanika konse kwalibwenwe muli woyo-Danyeli wopele, uyo imfumu yailicile ati niBelitesyasa. Lomba ŋgaetwe Danyeli, ye akumubwenesyeni ukuŵulisisya.
13Popele apo ŵalimwinjisye Danyeli pamenso amfumu. Imfumu yalilaŵile kuli Danyeli ati, Kani weŵo uli niwoyoDanyeli, uwaŵana ŵaŵukaili bwaŵaJuda, aŵo imfumu ŵawisifwe yafumisye kucalo caŵaJuda? 14Naumfwa ifyakuli weŵo ati umupasi waŵalesa uli muli weŵo, nakaŵili ati ukutuŵa nekalaŋgo nemano aweme aŵonwa muli weŵo. 15Popele ŵukumo aŵamano eŵalaye ŵaŵenjisya pamenso anji ati ŋgawapende ilembo ili, ŵanjisiŵisye ukuŵulisisya kwaliko; sombi ŵo taŵesiŵile ukubwenesya ukuŵulisisya kwacici-cintu. 16Sombi naumfwa ifyakuli weŵo ati uliisi ukuŵulisisya nekusuŋgulula ifyakukanika; popele ŵukumo, kani uliisi ukulipende'lembo nekunjisiŵisya ukuŵulisisya kwaliko, eli wakufwikwa ifikasicile, nekuŵa neminyololo yegolide mumukosi woŵe, nekulukwikala wakwikalika waŵuŵatatu muŵufumu.
17Peŋka Danyeli kaasuka, kaalaŵila pamenso amfumu ati, Impese syenu siŵe kuli mweŵo mweŵene, mumupele umbi ifyakulambula fyenu; naŋgawa nifyefyo ndukwipendela imfumu ilembo, nekwiisiŵisya ukuŵulisisya. 18Mwemfumu, ŵaLesa Aŵo Aŵacilile ŵaliŵapele ŵaNebukadinesa ŵawisinwe uŵufumu neŵukulu neŵuleme nekucindikwa; 19lomba, pakuti paŵukulu uŵo uŵu ŵaŵapele, aŵantu ŵonse aŵamikoka yonse nemilaka yonse ŵalukututuma nekususwa pamenso aŵo; aŵo ŵopele aŵo ŵalukufwaya kaŵaŵepaya, naŵaŵo kaŵili aŵo ŵalukufwaya kaŵaŵalama aŵalaŵi; aŵo ŵopele aŵo ŵalukufwaya kaŵaŵapyanika, naŵaŵo kaŵili aŵo ŵalukufwaya kaŵaŵacefya. 20Sombi pakusemba umutima waŵo, napakukosa umupasi waŵo fyopele filya ŵalukucite'fyakulitota, ŵo nekupyanikululwa kuŵufumu bwaŵo, naŵo aŵantu nekupokolola kuli ŵo uŵuleme bwaŵo; 21naŵo nekutamfiwa pakati paŵana ŵaŵantu; lomba nemutima waŵo nekuŵa koti wanama, nekwikala kwaŵo nekulukuli pamo nemboŋgolo syamumpaŋga; ŵo nekulisiwa icani koti niŋombe, nemuŵili waŵo nawo nekutontola kucime icakwiulu; ili tawaŋgesiwa ati ŵaLesa Aŵo Aŵacilile eŵalukuŵekalika muŵufumu bwaŵantu, nakaŵili ati ŵalamupyanika pali ŵo uyo uŵalukufwaya. 22Lomba mweŵo, mweŵana ŵaŵo, mweŵaBelisyasa, tamucefesye umutima wenu, naŋgawa'ti mwalukwisiŵe'fyo fyonse; 23sombi mwalitota mukuŵapufya ŵaSikulu ŵakwiulu; lomba aŵantu ŵafileta pamenso enu ifiŋkoloŋkolo ifyamuŋanda yaŵo, lomba mweŵo nempemba syenu neŵakasi ŵenu neŵanakasi ŵenu mwanwina-mo ulufaina; mwacindika ŵalesa ŵesilifa neŵegolide neŵaluŵemba neŵamfitwe neŵaciti neŵamabwe, aŵataŵalaŵa-po neli kumfwa-po neli kwisiŵa-po; sombi ŵaLesa aŵo ŵopele, aŵali nekupema kwenu muminwe yaŵo, aŵakwete insila syenu syonse, aŵo tamucindicile-po mweŵone. 24Peŋka'po icakuŵoko ico catumwa ukufuma kumenso aŵo, nalyo ili-Iembo lyalembwa.
25Ilembo ililembelwe nilili, ati, MENE, MENE, TEKEL, UPHARSIN. 26Ukuŵulisisya kwaciko nikuku: MENE ati, ŴaLesa ŵapenda uŵufumu bwenu nekuŵusilisya. 27TEKEL ati, Mwaesiwa pafyakwesya, kansi kuŵona mwacepa. 28PERES ati, Uŵufumu bwenu bwaabwa, bwapelwa kuŵaMadai neŵaPasai.
29Popele apo Belisyasa kaafunda, neŵantu naŵo kaŵamufwika Danyeli ifikasicile, nekuŵika mumukosi wakwe iminyololo yegolide, nekutulisya ifyakuli ye ati aŵe wakwikalika waŵuŵatatu muŵufumu.
30Lomba uŵusiku uŵo ŵopele Belisyasa imfumu yaŵaKalidaya waliipailwe. 31Peŋka Daliu, umuMadai, walipokele uŵufumu, imyaka yakwe ili ikumene amakumi asanu nalimo nemyaka iŵili peulu.
Currently Selected:
Danyeli 5: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
