Amosi 7
7
1ŴaSikulu Yawe ŵalimbwenesye'fyo; lomba ŵoneni, ŵalileŋgele insye pakutatiko'kusapuka kwakumena kwa pantanjile; kansi kumena kwapantanjile pakusila ukucesa kwamfumu. 2Popele paliŵele ati, ili syasilile ukulyalyalya icani capacalo, kandaŵila neŵo ati: MweŵaSikulu Yawe, ndukumukombeteleni ati mufituluke! Yakobi aŋgema syani? pakuti ye munini. 3Lomba ŵaYawe walilaŋgulucile fimbi ifyafyefyo; ŵa Yawe ŵalilaŵile ati, Ifyo tafikaŵa-po.
4ŴaSikulu Yawe ŵalimbwenesye' fyo; lomba ŵoneni, ŵaSikulu Yawe ŵaliitile ukulwa kumulilo; popele umulilo nekulya lukoso isiwa ilitali ilikulu, wati ulye necalo. 5Peŋka neŵo ati, MweŵaSikulu Yawe cilekeni, ndukumukombeteleni! Yakobi aŋgema syani? pakuti ye munini. 6Naŵo ŵaYawe nekulaŋguluka fimbi ifyafyefyo. Ifyo nafyo tafikaŵa-po, efilukulaŵila ŵaSikulu Yawe.
7Ŵalimbwenesye'fyo; lomba ŵoneni, ŵaSikulu ŵaliimakene muceni caciŵumba icicitilwe kumwando wakupimako, ŵali nemwando wakupima-ko muminwe yaŵo. 8Popele ŵaYawe ŵalilaŵile kuli neŵo ati, Amosi, ulukuŵone' ndo? Naneŵo ati, Mwando wakupimako. Peŋka ŵaSikulu ati, Ŵona-ko, ŋkaŵika umwando wakupima-ko pakati paŵantu ŵanji aŵaIsilaeli; tekuti ŋkapitepo pali ŵo liŵili; 9popele pantu apasuntucile pakwe Isaci paka ŵa palukoso, nemilenda iswetelele yakuIsilaeli nayo ikonalwa; peŋka ŋkaŵucila iŋanda yakwe Jeloboami kumpoko.
10Popele apo Amasaya, umupapatilisi uwakuBeteli, walitumine kuli Jeloboami, imfumu yakuIsilaeli, nekulaŵila ati, Amosi wamwalicileni mukati muŋanda yakuIsilaeli; icalo taciisi ukupinta amasiwi akwe onse. 11Pakuti Amosi alukulaŵile'fi ati: ŴaJeloboami ŵakafwa kumpoko; kaŵili icinenene aŵaIsilaeli ŵakatwalwa muli ŵukaili ukufumiwa namucalo caŵo. 12Kaŵili Amasaya walilaŵile kuli Amosi ati: Wemusimicisi, koya, ufyucile kucalo caŵaJuda, ukalukulilo'ko ifyakulya nekulukusimicilo' ko: 13sombi tekusimika liŵili kuBeteli: pakuti mulenda uswetelele wamfumu, niŋanda yaŵufumu.
14Peŋka Amosi waliasucile nekulaŵila kuli Amasaya ati, Neŵo nsinali wakusimika neli mwana wawakusimika; sombi neŵo nali mwembesi, nali wakulama imikuyu: 15popele ŵa Yawe ŵalimfumisye kukulonda itaŋga: kaŵili ŵaYawe ŵalilaŵile kuli neŵo ati: Koya, ukaŵasimicile aŵantu ŵanji aŵaIsilaeli. 16Pakuti pali fyefyo, umfwe isiwi lyaŵaYawe. Weŵo ulukulaŵila ati: Tekuŵasimicila aŵaIsilaeli, wiponya isiwi lyoŵe mukwileŋgulula iŋanda yakwe lsaci. 17Pakuti pali fyefyo ŵaYawe ŵalukulaŵile'fi ati: Umukasi woŵe akaŵa mucencemesi mumusi; aŵana ŵoŵe aŵalalume neŵanakasi ŵakawa kumpoko; icalo coŵe cikaaŵanisiwa kumwando wakwesya; weŵo wemwine ukafwila mucalo cafiko; kaŵili cinenene aŵaIsilaeli ŵakatwalwa muli ŵukaili ukufumiwa namucalo caŵo.
Currently Selected:
Amosi 7: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
