Amosi 4
4
1Umfweni isiwi ili, mwempwisi syakuBasyani, isili palupili lwaSamalya, isilukukululusya aŵakaŵi, isificisa aŵapeŋgele, isilaŵila kufileme fyasiko ati: Leteni, ŋgatulukunwa. 2ŴaSikulu Yawe ŵalilapile kukuswetelela kwaŵo ati, Ŵoneni, insiku sikamuficileni, lomba ŵakamutwaleni kucaŵundoŵo, nekuŵatwala aŵakusyala pali mweŵo kundoŵo. 3Popele mukafuma pafilyaŋgwa, mwense ukulukusiŋkamana lukoso; kaŵili mukaliposa muAlimoni, efilukulaŵila ŵaYawe.
4Iseni kuBeteli, mulukusilulula; mwise kuGiligali, mulukufusyo'kusilulula; mukalete imilambu yenu iyakwipaya incelo syonse, nefyenu ifyapekumi impindi syonse pakasuŵa kaŵusitatu; 5mukapose umulambu wakutota uwapali fyefyo ifili nemusuŋga, mukatulisye imilambu iyakupa lukoso, mwiŵulisisye; pakuti mulafitemwe'fyo, mweŵana ŵakwe Isilaeli, efilukulaŵila ŵaSikulu Yawe.
6Kaŵili neŵo namupeleni ukusweta kwameno mumisi yenu yonse, nekupeŋgela kwasiŋkwa pantu penu ponse; naŋgawe'fyo tamubwelele kuli neŵo, efilukulaŵila ŵaYawe. 7Nakaŵili neŵo namukanisyeni imfula, ili pacili imyensi itatu ukufika kukuloŋgela; nalileŋgesye ati iloke pamusi umo, nekuleŋgesya ati iŵule ukuloka pamusi umbi; palilokelwe pantu pamo; lomba apo-pantu apatapalokelwe palilelele. 8Fyopele'fyo aŵamisi iŵili kani itatu ŵaŋgenda-enda ukufika kumusi umo mukunwa amenda, nekuŵulo'kwikuta; naŋgawe'fyo tamubwelele kuli neŵo, efilukulaŵila ŵaYawe. 9Nalimupamineni necakuŵaŵula neŵunde; ubwinji bwamaŵala enu, nemifaina venu, nemikuyu yenu, nemaolife enu, iciloŋgolo ecaŵulya; naŋgawe'fyo tamubwelele kuli neŵo, efilukulaŵila ŵaYawe. 10Nalitumine pakati pali mweŵo umwalo koti mekalilo akuIjipiti; naliŵepeye kumpoko awasaŋkwa ŵenu, nekutapa ŵakafwalo ŵenu; nalileŋgesye ati ukufuka kwacisasa cenu kufutumine namumyona yenu; naŋgawe'fyo tamubwelele kuli neŵo, efilukulaŵila ŵaYawe. 11Naliwisisye aŵapakati pali mweŵo, koti nifyefyo ifi ŵaLesa ŵawisisye Sodoma naGomola; lomba mwali koti lukuni lwamulilo ululapwilwe kucaka; naŋgawe'fyo tamubwelele kuli neŵo, efilukulaŵila ŵaYawe.
12Pakuti pali fyefyo ŋkacite'fi kuli weŵo weIsilaeli; lomba pakuti ŋkacite'fi kuli weŵo, uliansike mukukumana naŵaLesa ŵoŵe, weIsilaeli. 13Pakuti ŵona-ko, aŵo aŵaŵumba amapili, aŵaleŋga icipupu, aŵamuŵula umuntu ukwalakanya kwakwe, aŵacita ulucelo luŵe nimfinsi, aŵanyanta apasuntucile pacalo, isina lyaŵo niŵaYawe, Lesa wamaŵumba.
Currently Selected:
Amosi 4: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
