Amosi 3
3
1Umfweni ili-isiwi ili ŵalaŵila ŵaYawe ukumusinineni, mweŵana ŵakwe Isilaeli, nekucisinina icikoto conse ico naninicile ukucifumya mucalo caIjipiti, ukulukulaŵila ati:
2Nimweŵo mweŋka emwe naisiŵa pafikoto fyonse ifyapacalo capansi; pakuti pali fyefyo ŋkamuficileni pakuti pakusendama kwenu konse. 3Aŵantu ŵaŵili kani ŵaŋgenda pamo, apakuŵulo' kumfwana? 4Iŋkalamu kani iŋgawuluma mwiyamba, apakuŵule'nama yakulya? Umwense ŵaŋkalamu kani aŋgalila mwiceŋgo lyakwe, apakuŵulo'kwikate'nama? 5Kani icuni ciŋgaponena mucakuteya pamusili, apa taciteyelwe necifu? Kani icifu ciŋgasowola pansi nekuŵulo'kwikata neli kantu? 6Kani ulupeŋga luŋgalisiwa mumusi, neŵantu lomba nekuŵulo'kususwa? Kani ukuŵifya kuŋgaficila mumusi, apakuŵulo'kucitwa kuli ŵaYawe? 7leine ŵaSikulu Yawe tekuti ŵakacite neli kantu apakuŵulo'kufisulula ifyamfiso fyaŵo kuŵapyunjisi ŵaŵo, aŵakusimika. 8Iŋkalamu yaŵuluma; mbaninani utaakatinapo? ŴaSikulu Yawe ŵalaŵila; mbaninani uŋgawulo'kusimika?
9Kamutulisya mututanino kuAsidodi, namututanino mucalo caIjipiti, mulaŵile ati: Ŵuŋganeni pamapili akuSamalya, muŵone ifipupa ifikulu ifili-mo, nemakululusi ali mukati. 10Pakuti taŵesi ukucito'kuluŋgama, efilukulaŵila ŵaYawe, aŵalaminina uwuŋgwa naŵusilumfundi mututanino twaŵo. 11Pakuti pali fyefyo ŵaSikulu Yawe ŵalukulaŵile'fi ati: Pakaŵa akapondo apasiŋgulucile icalo; ko kakakuwisisya amakosa oŵe, peŋka ututanino toŵe tukonalwa. 12ŴaYawe ŵalukulaŵile'fi ati: Koti nifyefyo ifi umwembesi apulusya mukanwa kaŋkalamu amolu aŵili neli cipeswa cakutwi, fyopele'fyo efi ŵakapulusiwa aŵana ŵakwe Isilaeli aŵalukwikala muSamalya pekoŋko lyacitanda, napamapilo atesimine paŵulo. 13Kamumfwa, musimike ukulukusinina iŋanda yakwe Yakobi, efilukulaŵila ŵaSikulu Yawe, Lesa wamaŵumba. 14Pakuti pakasuŵa ako ŋkamufisisya ukusilulula kwakwe Isilaeli, ŋkapama kaŵili nefyonto fyakuBeteli; peŋka amaseŋgo akuconto akapinikwa nekupona pansi. 15Popele ŋkapama iŋanda yamwela pamo nenanda yalusuŵa; lomba amananda alwino lwansofu akonalwa, nemananda akulu nao akasililila, efilukulaŵila ŵaYawe.
Currently Selected:
Amosi 3: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
