1 Aŵakolinto 13

1Naŋkalawila nemini syaŵantunsi nesyaŋkalamba syaŵaLesa, kani nsikwete-ŵutemwe, ndiŵele luŵemba ululila, cela iciŵalisya ŋgele ŋgele. 2Kaŵili naŋkawa nekusimika, nekwisiŵa ifyamfiso fyonse nefyakwisiŵa fyonse; kaŵili naŋkawa nekucetekela konse, ukwakukumana ukutesya'mapili, kani nsikwete-ŵutemwe, ndi walukoso. 3Nakaŵili naŋkaawanya amaŵoni anji onse mukulisya awapeŋgele, nekuposo'muŵili wanji mukuwoca, kani nsikwete-ŵutemwe, ifyo tafinsyucisya-po neli panini.

4Uŵutemwe ŵulateko'mutima, nekucite'ŋkumbu; uŵutemwe taŵucita-po icikani; uŵutemwe tawutaŋgala-po, taŵulitota-po, 5taŵucita-po ifitafyelelwe; taŵufwaya ifyaŵuko ubwine, taŵukalipisiwa, tabweŵe'fiŵipile; 6tawusaŋgalala pakuŵone'fyakusendeka, sombi ŵulasaŋgalala pamo naŵucine; 7ŵulapinte'fintu fyonse; ŵulacetekele'fintu fyonse; ŵulapembelele'fintu fyonse; ŵulasuminine'fintu fyonse. 8Uŵutemwe taŵufilwa-po neli limo. Sombi kani pali ukusimika, kukafumiwa; kani pali imini, sikasila; kani pali ukwisiŵa, kukafumiwa.

9Pakuti tuliisi panini lukoso, kaŵili tulasimika kunini lukoso; 10sombi ili cikesa ico iciwaminine lukoso, eli cikafumiwa ico iciweme panini lukoso. 11Ili ncili mwanice, nalukulawila koti mwanice, nalukulaŋguluka koti mwanice, nalukwalakanya koti mwanice; sombi pakuti ŵukumo ndiŵele mukulu, ndifumisye ifintu fyabwanice. 12Pakuti ŵukumo tulukuŵone'fintu icisimyesimye mukalolelo; sombi pampindi iyo tukaŵonana pamenso. Ŵukumo ndiisi panini lukoso; sombi pampindi iyo ŋkesiwa bwino koti nifyopele'fyo ifi nalukwisibwa bwino. 13Pano palekala ukucetekela nekupembelela neŵutemwe, ifi fyotatu; sombi icakucilo'ŵukulu ŵutemwe.

Currently Selected:

1 Aŵakolinto 13: AAL59

Highlight

Copy

Compare