MATTHEU 11

Jesu Hüyange Baptipa John

(Lk 7.18-35)

1 # Mt 7.28; 13.53; 19.1; 26.1. Aope Jesuwe yoi pinlan penme ni te lamphe li jingne nyüoweleiye tümme sho; I tüopa nyoi tüohyange neikonne ngohpu chingshao yinte konnyüolak jingne tai.

2 # Lk 7.18-35. Aope baptipa John küpnok me ngohyange Khristawe lingpu toishao jeng jai, Iye yoi pin ütam shonne hüke tong. 3#Mk 1.7-8; Hab 2.3; Jn 11.27.“Peine ngohpuwa nang heiya, yejema-a toman-e ülao ja jingne tanlak shi?” 4Hüwante Jesuwe imante janne i, “Taitüoh hüyange Johnte itüoh, nange hanghe jai hüyange nge; 5#Isa 35.5-6; 61.1; Lk 4.18-19.mükmüopalan-e ngepu ok, ya faipa kemme ok, ngonpalan jaowe tam, napanpalan-e jai, lipalan yangne tam hüyange shangpongpalan te pungao ümei nyüo; 6hüyange üjingne yening neipalan hangshin mongmeilak!”

Jesuwe Baptipa Johnte Yihnoon

7Aope tüolan kahta ye mah Jesuwe ükhong te John jingne i, “Hanghe te leine numan wanwüng jengte tai ei? Wangyange popu phümha te heiya? 8Hanghe te leine numan tai ei? Kahta jawe nyaishümpu inkhek inpute leine heiya? Aoyinne nyaishümpu inkhek in, iman-a ahngnok yin me hei ngohlak. 9#Mt 14.5; 21.26; Lk 1.76.Hüyangpoi hanghe te leine numan tai ei? Hipa ja te heiya? Jenang, Taowe numante hipa ja phei shenyei she inang. 10#Mal 3.1; Mk 1.2.Hatüowa aojeng hüke nyan tüopa:

“ ‘Hüowü taowe ü-shongshonpa nang shaome shonnang

aowe nang sheshao me nang lam tümlak.’

11Ütingpa me Taowe numante inang, shekowe puhpu yo me baptipa John shinne yongpu ao-o manngai; hüyangpoi wangdang ahngching me ao üjoipa ne meng I John phei sheyongpupa. 12#Lk 16.16.Baptipa John hipak mepu sha-a te ngoiye wangdang ahngching toilangpalan#Wongme lükpalan phangme shange peinang, hüyange toilangpa lan-e hatüo wongme yahne ngang nang. 13Hangjingne hipalan üshei hüyange Mosa ngaokeng lan-e John hipak manngoi wante, ahngching jeng ngaoyangki; 14#Mal 4.5; Mt 17.10-13; Jn 1.21; Lk 1.17.hüyange numan-e iman ngaote ütinglakpu ne mengma-a ao peilak jeng i hatüo Elijah-a John ngoh nang. 15#Mt 13.9,43; Mk 4.23; Ütah 13.9; 2.7.Ao me jailak na nyim Iye jai yah.

16 # Lk 7.31-35. “Hüyangpoi tüopa jin kahtalan Taowe hanghe phei phinlak? Iman chingyang lamnyu me nahalan wonpu lenang. Aowe eihalante nyik, 17hüyange i:

“ ‘Toman-e numante shengli wüng, hüyange numan poyelok;

Toman-e shappe nyai, hüyange numan ukke yeyoong.’

18Hangjingne John peiwante Iye yehah hüyange yeying, hüyange kahtalan-e i, ‘Ime laa ngoh nang.’ 19Kahta üha hahyinge pei, hüyange iman-e i, ‘Hüowü, hahshempa, yuyingpa, kahngin shaipalan shümpa hüyange ünupa!’ Kahwang konngao shunang she yoi toi kaiye hüonang.”

Üting Yelakpu Ching

(Lk 10.13-15)

20 # Lk 10.13-15. Tüophei me Iye üngan toi lingyangpu chingshaolan, iman mongyelüp okpu ngeye tee ne wang: 21“Khorazin, nangjingne onyukei! Bethsaida, nangjingne onyukei! Hangjingne numante lingpu üngantoi Tyre hei Sidon me lingshihma-a, iman monnye inyange hüyange tapla phoyange üshong memuh monglüp teiye ngohhah shepu. 22Hüyangpoi Taowe numante inang, ngaophün pu nyih numan pheiya Tyre hei Sidon jingne nün-okpu she-ngohkülak. 23Hüyange Kapernaum, nang, wang ngoiye nang onghu pu a? Nang molovün te yeitamlak. Hangjingne nangte lingyangpu üngantoi Sodom te lingshihma-a, tenyih ngoiye hatüo ngoh hah shepu. 24#Mt 10.15; Lk 10.12.Hüyangpoi Taowe nangte inang ngaophünpu nyih me nang pheiya Sodom kahtok mepulan shesha meishe ngohlak.”

Jesuwe Ipate Minyongpha

(Lk 10.21,22)

25 # Lk 10.21-22. #1 Kor 1.26-29.Tüo hipak me Jesuwe ngaiye i, “Taowe nangte minyong nang, Opa, wangdang hei kahtok Youngwanpa, kon-nangpalan hei shinge okpalan mepu tüolan toishao nange lowe ang hüyange naotak halante ngaiyetam; 26Eihyang, Opa, hangjingne hatüokih nange mongpu ngoh.

27 # Jn 3.35; 5.20; 13.3; 7.29; 10.15; 17.25; Mt 28.18. “Üpawe üte toi üshei phünne phayangki; Ipa kaiye aowe-o I ha yeshing, hüyange I ha hüyange aote I hawe I ütahte ngaiye tamlak jingne mongnang iman kaiye, Ipa aowe-o yeshing.

28“Numan topalan hüyange hangki yih kipalan, üshei ü-tangte peikei, hüyange Taowe numan toloi meitam phaning. 29#Jn 13.15; Phi 2.5; 1 Pet 2.21; Jer 6.16.Numan me ü-peitüp paiyah hüyange ü-mepu shingyah, hangjingne Tao kentingmongta puphei, hüyange mongjang innyaipu phei, hüyange numan-e numan yaha jingne toloimei tüolak; 30hangjingne ü-peitüp oloh-e, hüyange ü-hangki tanwa akke.”

Currently Selected:

MATTHEU 11: KONYBSI

Highlight

Copy