Hoseya 12
12
1Ipfinu pfawotenda iwanu wa Isiraeli bule bule ghendo, pfeghala na ukuja libeho au ukuwinga libeho misi yose, wawo woghendelela ukulonga ughutsu na ukutenda ghehile, wakwika laghano na iwanu wa Ashuru, na ghamapfuta ghosolighwa na ghoghalighwa Misiri.
2IMNDEWA katsowahigha iwanu wa Yuda kwa ighehile ghawo ghawatendile, na katsowahigha iwanu wa Yakobu kwa tsinzambi tsawo tsawatendile, katsowaliha kwa aghala ghawatendile. 3Yakobu hayakalile munda mwa mai wake kamghogha ndughu yake ichisegheyu, lekeni hayoneke na kuwa mkulu ketowa na Imulungu. 4Tsaketowa na imalaika mbaka kahuma, lekeni kalila kamlomba imalaika yambaliki. Hambele Imulungu kamlawila ako Beteli na kulonga naye. 5IMNDEWA Yana Tsingupfu Tsose lilyo taghwa lyake. 6Lelo mwemwe mmuyile Imulungu wenu, mghendelele ukwikunda na ukutenda ighanoghile, matsuwa ghose mbetetseni Imulungu wenu.
Ghamalonga gha ukuhigha
7Iwanu wa Efuremu weghala na mchulutsi yotumila iminzani ya ughutsu, na iyowabunza iwanu. 8Efuremu kalonga, “Nene na tajili,” na nina mali nyingi! Mna tsisang'ano tsangu tsose ng'awatsakona ighehile ghoghose, wala nzambi. 9“Nene yuyo IMNDEWA, Imulungu wenu iyaniwalapfile Misiri! Nene nitsoweka keli mna ghamahema ka pfambwihile mna ghamatsuwa gha ichihungo ighasaghulighwe.
10“Nene tsanilonga na manabii, na niweng'a maono mengi, na nilonga kwa ng'ungo kubitila wawo. 11Iwanu wa Gileadi wang'ali wotenda ghehile, nawo weha ghendo, wolapfa nambiko tsa ng'ombe mmale, apfo tsimatsabahu tsawo tsitsakuwa ka malundila gha ghamabwe ighekighwe mna imighunda ilimighwe.”
12Yakobu katsumila Aramu, hayakalile ako tsakatenda sang'ano ya ukudima ng'olo ili yapate pinga. 13Kubitila manabii, IMNDEWA kawalapfa Waisiraeli Misiri, na kawalolesa ghoya kubitila manabii. 14Lekeni Waefuremu wamtenda IMNDEWA yone maya ng'ani, naye IMNDEWA katsowaliha kwa ighehile ghawo, na katsowakoma kwa ghehile ghawatendile.
Pioneer Bible Translators and The Word For The World
Learn More About Laghano Lya Sambi Kwe Iwanu Wose