Mwanduso 13

Abramu na Loti webaghula

1Abramu koya kulawa Misiri, kagheluka kaghenda Negeb u, hamwe na mwehe wake na ipfinu pfose pfayalinapfo, kaghenda hamwe na Lutu. 2Abramu tsakana mali nyingi, iwanyama, fetsa na nzahabu. 3Kalawa Negebu kapfosa chila hanu mbaka kapfika Beseli. Kapfika kwatsibakanile isi ya Beseli na Ai, hanu hala hayatsengile lihema. 4Kuko kwayatsengile hanu he kulapfila nambiko, kuko Abramu hayamlombile Imulungu kwa kulikema taghwa lyake.

5Pfipfila Loti tsakelengotsa na Abramu, naye tsakana iwang'olo wengi, iwang'ombe na mahema. 6Lekeni isi ila ng'aiwenele baye kwa Abramu na Loti kukala hamwe kwaapfila tsawana pfinu pfingi na wanyama wawo tsawengi ng'ani. 7Apfo wadimi wa Abramu na wadimi wa Loti tsawesonga. Ghamatsuwa agho Wakanaani na Waperizi tsawakala wenyekaye wa isi ila.

8Kuya Abramu kamlongela Lutu, “Tuleke kwisonga nene na ghweghwe, wala wadimi wangu na wadimi wako, mana twetwe twandughu. 9Lola isi ili hambele hako. Chonde chonde, twibaghule. Ung'aghenda ghumoko wa kumoso, nene noghenda ghumoko wa kujilo, ung'aghenda ghumoko wa kujilo, nene noghenda ghumoko wa kumoso.”

10Loti kenula tsinenge tsake, kona lwanda lwose lwa Yoridani, tsalukala na ghamatsi mengi chila hanu, ka konde lya Imulungu na ka isi ya Misiri kumwambu mwa Soari. Aho ng'ana Imulungu aihighe imiji ya Sodoma na Gomora. 11Apfo Loti kesaghulila ulwanda lwose lwa Yoridani, kaghendelela ubali wa kwalilawila litsua. Apfo pfipfo wanu wano weli pfawebaghule. 12Abramu tsakakala mna isi ya Kanaani na Loti tsakakala mna mibululu ya ulwanda ula, kuya katsenga mahema ghake habehi na Sodoma. 13Lekeni iwanu wa Sodoma tsaweha ghendo na wang'ali womtendela Imulungu nzambi nyingi.

Abramu koghenda Heburoni

14Loti hayebaghule na Abramu, Imulungu kamlongela Abramu, “Inula nenge tsako kulawa aho ahuli, ulole ubali wa kuchanya na ubali we kuhisi, ubali wa kwalilawila litsua na ubali wa kwaliswela litsua. 15Isi yose yauyona nitsokwing'a ghweghwe na watsukulu wako iwe yenu ghamatsuwa ghose. 16Nitsokwing'a watsukulu wengi ka litimbwisi lili muisi, ka apfila pfakuli haduhu imunu iyodaha kulipeta litimbwisi, apfo pfipfo pfakutsakuwa kuduhu imunu iyodaha kuwapeta watsukulu wako. 17Lelo winuke, ughende ukayangile isi ino, ukalole ina ughatsi wachi na utali wachi kwaapfila nitsokwing'a ghweghwe isi ino.” 18Apfo Abramu kabula mahema ghake, kaghenda kukala habehi ne imibiki mikulu ya Mamre iili ako Heburoni, ako Abramu kamtsengela Imulungu hanu ha kulapfila nambiko.

Currently Selected:

Mwanduso 13: LBV

Highlight

Compare

Copy