Matta 7

Taa laate hiitooɓe woɗɓe

(Luka 6:37-38,41-42)

1“Taa laate hiitooɓe woɗɓe ngam taa Allah hiito on. 2Ngam Allah hiitoto on bana on kiitori woɗɓe, o etanan on bee etirgal ngal on etirani woɗɓe#Mk 4:24.. 3Koni a ɗon yi'a kuɗel haa yiitere deerɗa, ammaa a hakkilantaa leggal gonŋgal nder yiitere ma? 4Noy mbi'rata deerɗa: Accu mi ittane kuɗel haa yiitere ma, an maa, leggal ɗon nder yiitere maaɗa! 5An naafikiijo, aartu ittugo leggal gonŋgal haa yiitere maaɗa, nden kam a yi'an laaɓɗum, haa a itta kuɗel nder yiitere deerɗa. 6Taa ndokke dawaaɗi huunde seniinde, ngam taa ɗi loro dow mooɗon, ɗi ceeka on. Taa cakkinane gaduuji luuluuje mon, ngam taa ɗi ndamma ɗe bee kosɗe maaji.”

Tore, ɗaɓɓite, cilmine

(Luka 11:9-13)

7“Tore, on keɓan. Ɗaɓɓite, on tawan. Cilmine, ɓe maɓɓitanan on. 8Ngam koo moy tori, heɓan. Koo moy ɗaɓɓiti, tawan. Koo moy silmini boo, ɓe maɓɓitanan mo. 9Moyjo caka mooɗon, to ɓiŋngel muuɗum ƴami ɗum nyiiri, o hokkan ngel hayre? 10Malla to ngel ƴami ɗum liiŋgu, o hokkan ngel mboodi? 11Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o ɓurataa hokkugo kuuje booɗɗe haa torotooɓe mo na?

12Ngam maajum mbaɗane yimɓe ko ngiɗɗon ɓe mbaɗana on fuu. Kanjum Tawreeta Muusa e defte annabi'en caawi#Lk 6:31..”

Dammugal paaɗŋgal

(Luka 13:24)

13“Nastire dammugal paaɗŋgal. Ngam dammugal jaasŋgal e laawol jaasŋgol ɗon njahra haa halkere, ɗuuɗɓe ɗon tokko ton. 14Ammaa dammugal paaɗŋgal e laawol paaɗŋgol ɗon njahra haa ngeendam, tawɓe ngol ɗuuɗaay.”

Deentinki e fewooɓe wi'anɓe ɓe annabi'en

(Luka 6:43-44)

15“Ndeente e fewooɓe wi'anɓe ɓe annabi'en, waranɓe haa mooɗon nder laral baali, ammaa nder maɓɓe ɓe caafaali kaaŋaaɗi. 16On annditan ɓe nder kuuɗe maɓɓe. Gi'e ndimataa inabooje, giŋngille boo ndimataa ibbe. 17Non boo, lekki booɗki ɗon rima ɓiɓɓe booɗɗe, lekki kalluki boo ɗon rima ɓiɓɓe kalluɗe. 18Lekki booɗki rimataa ɓiɓɓe kalluɗe, lekki kalluki boo rimataa ɓiɓɓe booɗɗe. 19Lekki ki rimataa ɓiɓɓe booɗɗe fuu, ɓe pe'an ki, ɓe ngudina ki nder yiite#Mat 3:10; Lk 3:9.. 20Bana non boo on annditiran fewooɓe wi'anɓe ɓe annabi'en bee kuuɗe maɓɓe#Mat 12:33..”

Mi anndaa on

(Luka 13:25-27)

21“Annde, naa wi'anɓe yam: Jawmiraawo, Jawmiraawo fuu nastata laamu asamanji, sey waɗanɓe muuyo Baabiraawo am mo asama. 22Nyalaade man, ɗuuɗɓe mbi'atam: Jawmiraawo, Jawmiraawo! Naa bee innde ma min mbaɗi annabaaku, min ndiiwi ginnaaji e min mbaɗi kaayeefiiji ɗuuɗɗi! 23Nden mi wi'an ɓe bee baŋguɗum: Mi meeɗaay anndugo on sam, onon waɗooɓe halleende, ndille#Jab 6:9.!”

Cuuɗi ɗiɗi

(Luka 6:47-49)

24“Ngam maajum koo moy nani bolle ɗe'e, ɗowtani ɗe, nanndi bee goɗɗo marɗo hakkiilo, mahɗo suudu mum dow tapaare. 25Iyeende toɓi, maaje ngaddi ndiyam, keni ummi dow suudu man, ammaa ndu yibbaay, ngam ndu mahaandu dow tapaare. 26Ammaa koo moy nani bolle ɗe'e, ɗowtanaaki ɗe, nanndi bee goɗɗo mo walaa hakkiilo, mahɗo suudu muuɗum dow njaareendi. 27Iyeende toɓi, maaje ngaddi ndiyam, keni mbaɗi dow suudu man, ndu yibbi yibbere hallunde.”

Baawɗe Yeesu

28Nde Yeesu timmini wolwugo bolle ɗe'e, ekkitinol maako hayɗini mooɓe fuu, 29ngam o ekkitinaay ɓe bana moodiɓɓe tawreeta ekkitinirta, ammaa bana marɗo baawɗe#Mk 1:22; Lk 4:32..

Currently Selected:

Matta 7: FB

Highlight

Compare

Copy