Matta 6

Ekkitinol dow wallugo talaka'en

1“Kakkile: Taa kuuwe kuuɗe adilaaku ngam yimɓe ngi'a on. To on mbaɗi non, on keɓataa mbarjaari haa Baabiraawo mooɗon mo asama#Mat 23:5..

2To a ɗon hokka talakaajo huunde, taa wooynu ɗum, bana naafiki'en mbaɗata nder cuuɗi dewal e dow laabi. Ɓe ɗon mbaɗa non ngam yimɓe teddina ɓe. Gooŋga mbi'anmi on: Ɓe keɓi mbarjaari maɓɓe, jinni. 3Ammaa an, to a ɗon hokka talakaajo huunde, taa juŋngo ma nano anndita ko nyaamo waɗata, 4ngam haa dokkal ma wona nder cuuɗiiɗum, Baabiraawo ma gi'anɗo ko mbaɗata nder cuuɗiiɗum, warjoto ma.”

Ekkitinol dow do'a

(Luka 11:2-4)

5“Nde on ɗon mbaɗa do'a fuu, taa laate bana naafiki'en. Kamɓe ɓe ngiɗi daraago nder cuuɗi dewal e haa kawtirɗe laabi, ɓe mbaɗa do'a ngam yimɓe ngi'a ɓe. Gooŋga mbi'anmi on: Ɓe keɓi mbarjaari maɓɓe, jinni#Lk 18:10-14.. 6Ammaa an, nde a yiɗi waɗugo do'a fuu, nastu suudu ma, maɓɓu dammugal, nden tora Baabiraawo ma gonɗo nder cuuɗiiɗum, Baabiraawo ma gi'anɗo ko mbaɗata nder cuuɗiiɗum, warjoto ma.

7To on ɗon mbaɗa do'a, taa ɗuɗɗine bolle meereeje bana heefeerɓe mbaɗata. Ɓe ɗon tammo Allah nanan do'a maɓɓe to ɓe ɗuɗɗini bolle. 8Taa mbaɗe bana maɓɓe, ngam Baabiraawo mooɗon anndi haaje mooɗon diga on ciwaa toraago mo.”

Do'aare Baabiraawo

9Ngam man, onon, to on ɗon mbaɗa do'a, ndaa nii mbi'oton:

“Yaa Baabiraawo amin mo asama,

a Ceniiɗo, waɗ koo moy teddina innde ma.

10Laamu maaɗa wara.

Muuyo ma laato nder duniyaaru

bana haa asama.

11Hokku min nyaamdu deydey haaje amin hannde.

12Yaafana min aybeeji amin, bana no minin boo

min njaaforani waɗɓe min aybe#6:12 Aybe malla gacce..

13Aynu min ngam taa min nasta jarribeeki,

ammaa hisnu min diga Kalluɗo.

[Ngam an mari laamu e baawɗe e tedduŋgal,

haa foroy. Aamiina!]

14To on njaafanake woɗɓe aybeeji muuɗum'en, Baabiraawo mooɗon mo asama yaafanto on boo. 15Ammaa to on njaafanaaki woɗɓe, nden kam Baabiraawo mooɗon boo yaafantaako on hakkeeji mooɗon#Mk 11:25-26..”

Ekkitinol dow suumaye

16“Nde on ɗon cuumo fuu, taa mbaɗe bana naafiki'en: Ɓe ɗon nyiɓɓina geese maɓɓe, ɓe ɗon nyobba ɗe ngam haa yimɓe ngi'a ɓe ɗon cuumi. Gooŋga mbi'anmi on: Ɓe keɓi mbarjaari maɓɓe, jinni. 17Ammaa an, to a ɗon suumo, sulmu e wuja yeeso ma, 18ngam taa yimɓe anndita a ɗon suumi. Sey Baabiraawo ma gonɗo nder cuuɗiiɗum kaŋko tan anndi. O ɗon yi'a ko mbaɗata nder cuuɗiiɗum, o warjoto ma.”

Jeynitaaje haa asama

(Luka 12:33-34)

19“Taa paggane ko'e mooɗon jawdi haa duniyaaru, haa gilɗi e peewol mbonnata ɗum, haa wuyɓe boo ngasata cuuɗi, ngujja ɗum#Yaak 5:2-3.. 20Ammaa paggane ko'e mooɗon jawdi haa asama, haa ton gilɗi e peewol mbaawataa wonnugo ndi, wuyɓe boo mbaawataa sumpititgo cuuɗi, ngujja ndi. 21Ngam haa jawdi maaɗa woni, ton ɓernde maaɗa boo wonata.”

Annoora e nyiɓre

(Luka 11:34-36)

22“Gite laati pittirla ɓanndu. To gite maaɗa njame, ɓanndu maaɗa fuu ɗon nder annoora. 23Ammaa to gite maaɗa njamɗaay, ɓanndu ma fuu ɗon nder nyiɓre. Ngam maajum to annoora ngonka nder ma nyiɓɓi, nden kam nyiɓre man nyiɓɓan jamum.”

Jagganaago Allah e jawdi

(Luka 16:13)

24“Walaa mo waawata jagganaago jaagorɓe ɗiɗo, ngam o wanyan oo e o yiɗan oya malla o ɗakkotira bee oo e o meeriɗina oya. On mbaawataa jagganaago Allah e jawdi.”

Hoolaago Allah

(Luka 12:22-31)

25“Ngam maajum mi ɗon wi'a on: Taa caklane nguure mooɗon, waato ko on nyaamata malla ko on njarata malla ko on ɓornoto. Yoŋki ɓuri nyaamdu saman, ɓanndu boo ɓuri limce saman, naa non na? 26Ndaare colli: Ɗi aawataa, ɗi codataa, ɗi mooɓtataa koo ɗume nder beembe, ammaa Baabiraawo mooɗon mo asama ɗon nyaamna ɗi. On ɓurataa ɗi saman piw na? 27Moy caka mooɗon waawi ɓesdugo balɗe muuɗum koo seɗɗa bee saklere muuɗum?

28Ngam ɗume on caklanto haala limce? Ndaare pinndi ladde no ndi mawnirta. Ndi huuwataa, ndi sannyataa, 29ammaa mi ɗon wi'a on: koo Suleymaanu bee daraja muuɗum fuu meeɗaay ɓornaago limce booɗɗe bana ngoori man#1 Laam 10:4-5; 2 HN 9:3-6.. 30Allah ɓorni huɗooji ɗi tawe hannde nder ladde, jaŋngo boo ɗi cakkine nder yiite. To non kam, o ɓornataa on ko ɓuri non na, onon famɗa-nuɗɗinki'en? 31Ngam maajum taa cakle ko'e mooɗon bee wi'go: Ɗume min nyaamata? Malla: Ɗume min njarata? Malla: Ɗume min ɓornoto? 32Heefeerɓe cuklanto kuuje ɗe'e nde weeti fuu. Ammaa Baabiraawo mooɗon mo asama anndi on ngoodi haaje kuuje ɗe'e fuu. 33Aarte suklanaago laamu Allah e adilaaku muuɗum, nden kam o hokkan on kuuje ɗe'e fuu bana ɓesdaari#Mk 10:29.. 34Taa caklane haala jaŋngo, ngam jaŋngo saklanto hoore muuɗum. Nyalaade fuu, torra maare he'i nde.”

Currently Selected:

Matta 6: FB

Highlight

Compare

Copy