Popular Bible Verses from Matta 7

Share

“Tore, on keɓan. Ɗaɓɓite, on tawan. Cilmine, ɓe maɓɓitanan on.

Ngam koo moy tori, heɓan. Koo moy ɗaɓɓiti, tawan. Koo moy silmini boo, ɓe maɓɓitanan mo.

“Ngam maajum koo moy nani bolle ɗe'e, ɗowtani ɗe, nanndi bee goɗɗo marɗo hakkiilo, mahɗo suudu mum dow tapaare.

Ngam maajum mbaɗane yimɓe ko ngiɗɗon ɓe mbaɗana on fuu. Kanjum Tawreeta Muusa e defte annabi'en caawi.”

Ammaa dammugal paaɗŋgal e laawol paaɗŋgol ɗon njahra haa ngeendam, tawɓe ngol ɗuuɗaay.”

“Nastire dammugal paaɗŋgal. Ngam dammugal jaasŋgal e laawol jaasŋgol ɗon njahra haa halkere, ɗuuɗɓe ɗon tokko ton.

Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o ɓurataa hokkugo kuuje booɗɗe haa torotooɓe mo na?

“Taa laate hiitooɓe woɗɓe ngam taa Allah hiito on. Ngam Allah hiitoto on bana on kiitori woɗɓe, o etanan on bee etirgal ngal on etirani woɗɓe.

Ammaa koo moy nani bolle ɗe'e, ɗowtanaaki ɗe, nanndi bee goɗɗo mo walaa hakkiilo, mahɗo suudu muuɗum dow njaareendi.

Koni a ɗon yi'a kuɗel haa yiitere deerɗa, ammaa a hakkilantaa leggal gonŋgal nder yiitere ma? Noy mbi'rata deerɗa: Accu mi ittane kuɗel haa yiitere ma, an maa, leggal ɗon nder yiitere maaɗa!

“Ndeente e fewooɓe wi'anɓe ɓe annabi'en, waranɓe haa mooɗon nder laral baali, ammaa nder maɓɓe ɓe caafaali kaaŋaaɗi. On annditan ɓe nder kuuɗe maɓɓe. Gi'e ndimataa inabooje, giŋngille boo ndimataa ibbe.

Non boo, lekki booɗki ɗon rima ɓiɓɓe booɗɗe, lekki kalluki boo ɗon rima ɓiɓɓe kalluɗe.

Lekki booɗki rimataa ɓiɓɓe kalluɗe, lekki kalluki boo rimataa ɓiɓɓe booɗɗe.

Lekki ki rimataa ɓiɓɓe booɗɗe fuu, ɓe pe'an ki, ɓe ngudina ki nder yiite.