Sirasid 41
41
Maayde
1Kayto maayde! Ɗum mettuɗum numgo dow maaɗa to yimɓe ɗon nde'iti caka jawle muuɗum'en, to ɓe ngalaa ɓilla e koo ɗume fuu hoyani ɓe e to ɓe mbaawan yerdaago belɗi duniyaaru!
2Kayto maayde! Hoddiroore ma laato bee wakkati man dow neɗɗo bilaa jawdi e mo semmbe mum timmi, dow nayeejo, torraaɗo bee numooji, dow tuurtuɗo mo walaa munyal!
3Ɓiŋngel am, taa hul maayde to nde taaski wargo. Num dow aartuɓe ma e dow waranɓe ɓaawo ma.
4Maaygo ɗum hoddiroore nde Jawmiraawo hoddirani tagdi fuu. Ngam ɗume salaago ko Ɓaŋiiɗo hoddirani yimɓe fuu? To balɗe ma njuutan deydey duuɓi sappo, duuɓi teemerre malla ujineere, nder joonde maayɓe ɓe cuklantaako ɗum.
Hoddiroore hakke'en
5Ɓiɓɓe hakke'en laatoto ɓiɓɓe wanyaaɓe, saalinanɓe wakkati maɓɓe nder saare yedduɓe Allah.
6Ndonŋgu maɓɓe halkan e toskaare tokkoto ruutu maɓɓe.
7Baaba gedduɗo Allah yiidan bee feloore ɓikkoy mum ngam o ɗon semtina ɓe.
8Bone laatanto on, onon yedduɓe Allah e wudinɓe Tawreeta maako!
9 To on ɓesdake, ɗum waddanan on halkere, on ndanyaama ngam naaloore e to on maayi naaloore laatoto geɗal mooɗon.
10Ko iwi haa lesdi loroto haa lesdi. Non ɗum laatanto yedduɓe Allah: Ɓe ngonan nder naaloore, nden nder nattere.
Daraja
11To goɗɗo maayi, wakkati maayiti ɗon, ammaa innde hallunde wilataako.
12Hakkilan innde ma ngam nde luttan ɓaawo ma ko ɓuri jawe kaŋŋeeri ujineere.
13Joonde welnde neeɓan balɗe seɗɗa tan ammaa nannanti booɗɗo duumoto.
Ɗume foti semtingo en?
14Ɓikkoy am, cige jaŋngirde nde ndokkumi on. Hikma cuuɗiika malla boo ndesaari cuuɗiindi, ɗume ɗum nafata? Ɗiɗi fuu ngalaa nafuuda.
15Ndikka cuuɗanɗo faataare mum dow cuuɗanɗo hikma mum.
16Ndaa haa mi wolwana on dow ko goɗɗo semtata. Haanaay semtugo foroy e boo naa yimɓe fuu ndaardata huunde bee laawol gootol.
17Ndaa ko cemtoton: Yeeɗugo nder daakaareeku yeeso saaro'en mon, fewgo yeeso ardiiɓe lesdi mon,
18waɗgo aybe yeeso hiitooɓe, luutgo umroore Allah yeeso jama'aare nuɗɗinɓe, waɗgo aybe yeeso ngorgiraawo ma malla soobaajo ma,
19wujjugo yeeso heeddiɗɗiraaɓe ma. Cemte yewgo hunayeere malla yewgo amaana, fortugo juŋngo ngam rookaago nyaamdu mon malla salaago ko yimɓe ƴamata on
20malla jeeɗaago to goɗɗo hoofni on. Cemte boo laargo ajabaajo,
21wudingo goɗɗo lesdi mon malla jaɓtugo maral goɗɗo feere. Cemte boo laargo debbo goɗɗo feere,
22muuygo korɗo mon, ko tulli boo ɓaditaago leeso maako. Cemte huɗgo soobiraaɓe mon malla felgo ɓe ngam ɓe mari kuuje ɗe on ndokki ɓe:
Currently Selected:
Sirasid 41: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.