Sirasid 34
34
(31)
Koyɗi
1Tammuɗe meere cargan sey faataaɓe, koyɗi boo fiirnan sooya-hakkiilo'en.
2Jo'ingo tammunde dow koyɗi, ɗum naŋngugo mbeelu malla tokkaago henndu.
3Ko yi'ete nder koyɗi nanndi bee mbeelu bana goɗɗo gi'anɗo yeeso mum haa daarorgal.
4Ɓe ngurtinan huunde laaɓnde nder ko soɓi na? Ɓe ngurtinan gooŋga nder fewre na?
5Hiila, fillaye e koyɗi, ɗum fuu ɗum nafataa sam. Ɗum ɗon bana numo debbo nder luuwe!
6Taa jo'in tammunde dow maajum sam, sonaa to Allah mo asama neldani ma ɗum ngam maatingo ma.
7Koyɗi majjini ɗuuɗɓe, waatanɓe hakkiilo dow maaji ndo'i.
Jahaale
8Tawreeta Allah timmididka daayi bee numooji paataaɗi ɗi'i. Gal kunnduɗe adili'en, hikma wurtoto laaɓɗum tal!
9Gaɗanɗo jahaaŋgal ekkititto kuuje ɗuuɗɗe. To goɗɗo woodi kirseeku maŋngu, o wolwan bee hikma.
10Mo meeɗaay jarribeego woodi anndal seɗɗa tan,
11ammaa gaɗanɗo jahaaŋgal heɓan anndal ɗuuɗŋgal.
12Nder jahaale am, mi laari kuuje ɗuuɗɗe, mi faami kuuje ɗuuɗɗe ɓurɗe ko mi waawata limtugo.
13Wakkati feere mi ɗonno yeeso joote maayde, ammaa mi daɗi barka kirseeku am.
Ɗowtanaago Jawmiraawo
14Hulanɓe Jawmiraawo, balɗe muuɗum'en njuutinan
15ngam ɓe ɗon koolo Kisnoowo.
16Teddinɗo Jawmiraawo hulataa koo ɗume: O diwnataa ngam o jo'ini tammunde maako dow Allah.
17Barka laatanto ɗowtaniiɗo Jawmiraawo!
18Dow moy o jo'inta tammunde maako? Moy wallata mo?
19Gite Jawmiraawo ɗon ngi'a yiɗɓe mo tum. Aynoowo baawɗo, balloowo cemmbiɗɗo, ɗowirde faddannde henndu wulndu, ɗowdi les naaŋge nyalawma, o faddan ɓiɓɓe maako diga saɗirmaaji, o aynan ɓe taa ɓe ndo'o.
20O hesɗitinan cuusal, o jalbitinan gite bee seyo, o hokkan njamu, ngeendam e barka.
Dewal potananŋgal Allah
21Lii'ango Allah ndabbaawa keɓraŋga bee faasikaare, ɗum jancugo mo.
22Allah jaɓataa dokke iwɗe haa ɓen ɓe tokkaaki Tawreeta maako.
23Jawmiraawo mo asama yerdataako dokke yedduɓe, o yaafataako hakkeeji daliila limgal dabbaaji kirsaaɗi.
24Waɗgo dokkal bee jawdi laafuɗo, ɗon bana hirsugo ɓiɗɗo yeeso baaba muuɗum.
25Laafuɗo heɓan ko o nyaama bee caɗɗum. Haɗgo mo ɗum laataago mbaroowo hoore.
26Jaɓtugo nguure keeddiɗɗiiko, ɗum mbargo mo.
27Jaɓtugo keeddiɗɗiiko nguure mum, ɗum mbargo hoore boo.
28Oo ɗon maha, oya boo ɗon yibbina. Ɗum saklere meere haa ɗiɗo fuu.
29Oo ɗon toro, oya boo ɗon naala. Moy caka ɗiɗo ɓe'e jawmum nananta?
30To goɗɗo senake yaake o meemi maayɗo, nden o meemi mo fahin, ɗume senaare maako nafi?
31Non ɗum laati nde goɗɗo suumi ngam hakkeeji mum njaafe. To o lortake dow hakke man fahin, moy nanata tornde maako? Ɗume o heɓata bee leesnugo hoore maako?
Currently Selected:
Sirasid 34: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.