Baruk 2
2
1Nden Jawmiraawo waɗi ko o wi'i dow meeɗen, dow alkaali'en, hiitooɓe nder lesdi Isra'iila, dow laamiiɓe, mawɓe faada meeɗen, dow yimɓe Isra'iila e Yahuuda fuu. 2O ukki masiibooji mawɗi dow Urusaliima, o meeɗaay ukkugo ɗuuɗɗi bana nii les asama fodde ko winnda boo nder Tawreeta Muusa, 3haa ɓe njotti nyaamgo kusel ɓiɓɓe maɓɓe worɓe e rewɓe. 4Nden o hokki ɓe haa juuɗe laamiiɓe taariiɓe ɓe fuu, haa ummaatooje haa Allah saŋkiti ɓe kuɗa ɓe e toskina ɓe. 5Dow en laato jaaliiɓe, en laati jaalaaɓe ngam en mbaɗi hakke dow Jawmiraawo, en nanaay ko o wi'i en. 6Allah Jawmiraawo meeɗen o adiliijo, ammaa enen bee kaakiraaɓe meeɗen, en ɗon nder semteende hannde. 7Jawmiraawo barrino en bee irin sarruuji feere feere, ammaa jonta ɗi ukkani en. 8En toraaki mo haa o waylita numooji meeɗen kalluɗi. 9Nden Jawmiraawo taaskitini sarruuji ɗi'i, o ukki ɗi dow meeɗen. Gooŋga, Allah o adiliijo nder kuuɗe o umri en fuu. 10Ammaa en nananaay mo, yaake o wi'no en en tokko umrooje ɗe o hokki en.
Tornde
11Jawmiraawo, Allah Isra'iila, a wurtini ummaatoore maaɗa diga lesdi Misra bee semmbe ma mawɗo e baawal ma maŋngal e bee alaamaaji e kaayeefiiji ma ɗuuɗɗi. A holli moy a woni bana min ndaari hannde boo. Jonta 12min annditi min ngaɗi aybe, min ɗowtanaaki umrooje ma fuu. 13Min ɗuuɗaay caka ummaatooje goɗɗe haa a saŋkiti min. Useni, waylitit tikkere ma. 14Nan, Jawmiraawo tornde amin, useni hisnu min ngam yiide ma, waɗ no dahɓe min mboonana min. 15Nden duniyaaru fuu anndan an woni Jawmiraawo, Allah amin e minin boo min lenyol Isra'iila, ummaatoore ma senaande. 16Jawmiraawo, diga joonde ma, laar min e hakkilan min, heɗita, nan min, 17maɓɓitit gite ma, laar. Gooŋga, maayɓe wonɓe haa joonde maayɓe, ɓen ɓe poofɗe maɓɓe timmi mbaawataa anndititgo tedduŋgal ma e adilaaku ma, yaa Jawmiraawo. 18Ammaa mo annditan tedduŋgal ma e adilaaku ma, ɗum goɗɗo cuniiɗo jamum, jahoowo turturnde, tampuɗo, marɗo gite cakliiɗe, beelaaɗo. 19Nden to min ngari yeeso maaɗa bee tornde amin, Jawmiraawo, Allah amin, naa adilaaku kaakiraaɓe e laamiiɓe amin min ɓarri. 20Ngam dow amin a waŋgini tikkere ma hulniinde bana mbi'noɗa nder bolle annabi'en jagganiiɓe ma: 21Ndaa ko Jawmiraawo wi'i: “Ture, jaggane laamiiɗo Baabila, nden on njooɗoto nder lesdi ndokkaandi kaakiraaɓe mooɗon. 22Ammaa to on nanaay sawtu Jawmiraawo e on cali leestanaago laamiiɗo Baabila, 23mi je'inan gimi seyo, gookaali seyo e gimol te'ruɓe hesɓe nder berniwol Yahuuda e Urusaliima, lesdi fuu sirwoto bana to walaa jooɗiiɓe ton.” 24Ammaa min nanaay yaake a wi'i min min leestana laamiiɗo Baabila. Nden a hiɓɓi barruye nde mbi'noɗa jaggiiɓe ma annabi'en, waato ɓe ngurtinan i'e laamiiɓe e kaakiraaɓe amin diga nder genaale muuɗum'en. 25Laamiiɓe e kaakiraaɓe amin maayi nder boneeji kulniiɗi, ɓe weelaaɓe, nattinaaɓe, dahaaɓe. Ndaa i'e maɓɓe jonta, saŋkitaaɗe haa gulɗum naaŋge e jaaŋgol jemma. 26A nattini hannde haykaliiru senaandu ma ngam aybe ummaatooje Isra'iila e Yahuuda. 27Ammaa, Jawmiraawo Allah amin, a enɗi min, a woonani min 28bana mbi'noɗa jaggiiɗo ma Muusa nyalaade nde a umri mo o winnda Tawreeta yeeso ɓiɓɓe Isra'iila, a wi'no: 29“To on nanataa ko mbi'anmi, ummaatoore mooɗon mawnde hannde tammi laataago famarde e saŋkitiinde caka ummaatooje goɗɗe. 30Mi anndi, on nanantaakam, ngam on jama'aare saata-ko'e'en. Ammaa nder lesdi daheeki mon, on tuuban. 31On annditan, min woni Jawmiraawo Allah mooɗon. Nden mi hokkan on ɓernde hakkilnde e noppi nananɗi. 32Nder daheeki mon, on maŋgtatam, on ciftoran innde am. 33On ciftoran laawol kaakiraaɓe mon e aybe maɓɓe, on accan nanaru e kalluɗi mooɗon. 34Nden mi hooran on nder lesdi kunaniimi hoorugo kaakiraaɓe mooɗon Ibrahiima, Isiyaaku e Yaakubu, on maran ndi. On ustataa ammaa mi ɗuɗɗinan on. 35Mi haɓɓan alkawal duumiiŋgal bee mooɗon, mi laatoto Allah mooɗon, onon boo on laatoto ummaatoore am. Mi meetataa wurtingo ummaatoore am Isra'iila diga lesdi ndi ndokkumoomi.”
Currently Selected:
Baruk 2: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.