Sirac 17
17
1Dangan linalang nin Kagurangnan an mga tawo hale sa alpog
asin ibinalik niya giraray sinda
sa alpog na saindang pinaghalean.
2Tinawan niya sinda nin halipot na panahon tanganing mabuhay,
alagad tinawan niya sinda nin awtoridad sa gabos na bagay sa kinaban.
3Ginibo niya sinda siring sa saiyang ladawan,
asin tinawan sinda kan sadiri niyang#17:3 Probableng teksto niyang; sa Griyego nindang. kosog.
4Ginibo niyang katakotan sinda kan iba pang linalang;
tinawan niya sinda nin awtoridad sa gabos na hayop saka gamgam.#17:4 Sa nagkapirang kasuratan idinagdag an bersikulo 5: Itinao sainda nin Kagurangnan an limang sentido, alagad itinao man sainda an ikaanom—an isip, asin an ikapito—an rason, na nagtatao sainda kan kakayahan sa pagpaliwanag kan minaabot sa sainda sa paagi kan mga sentido.
6Itinao niya sainda an saindang mga dila, mga mata,
mga talinga, isip, asin konsyensya.
7Pinano niya sinda nin pakaaram saka pakasabot
asin ipinahiling niya sainda an kalaenan kan marahay sa maraot.
8Itinao niya sainda an sadiri niyang pakasabot
tanganing mahiling ninda an kamahalan kan saiyang linalang.#17:8 Sa nagkapirang kasuratan idinagdag an bersikulo 9: Tinugotan niya sinda na mag-orgulyo sagkod pa man sa saiyang makangangalas na ginibohan.
10Oomawon ninda an banal niyang ngaran
asin ipapahayag an kadakulaan kan gabos niyang ginibohan.
11Tinawan niya sinda nin pakaaram
asin itinao niya an Katogonan
bilang sarong burabod nin buhay.
12Naggibo siya sa sainda nin mayong tapos na tipan
asin ipinahayag niya sainda an saiyang mga kabotan.
13Nahiling ninda an mamurawayon niyang kamahalan
asin nadangog an kamurawayan kan saiyang tingog.
14Pinatanidan niya sinda dapit sa pagigin bakong matanos
asin tinukdoan an lambang saro kan dapit sa saiyang kapwa.
An Dios Hukom
15Danay na aram nin Kagurangnan an ginigibo nin mga tawo; an saindang mga gibo dai ninda matatago saiya.#17:15 Sa nagkapirang kasuratan idinagdag an bersikulo 16-17a: Poon kan aki pa sinda, ipinahiling na ninda na maraot sinda; arog sa gapo an saindang puso, asin garo dai ninda kayang gibohon iyan na magin puso nin tawo. 17 Binaranga niya an mga nasyon sa bilog na kinaban. 17Itinao niya sa lambang nasyon an sadiri nindang pamayo, alagad sadiri nin Kagurangnan an Israel.#17:17 Sa nagkapirang kasuratan idinagdag an bersikulo 18: An Israel iyo an saiyang panganay, na saiyang dinidisiplina mantang saiyang inaataman. Itinatao niya saiya an liwanag kan saiyang pagkamoot asin dai niya nanggad siya pinapabayaan. 19Danay na aram nin Kagurangnan an ginigibo nin mga tawo; an gabos na ginigibo ninda arog kalinaw kan aldaw para saiya. 20Dai natatago sa saiya an saindang mga kasalan; aram niya iyan gabos.#17:20 Sa nagkapirang kasuratan idinagdag an bersikulo 21: Alagad maugayon an Kagurangnan asin midbid niya an saiyang mga linalang; kaya binuhay niya sinda embes na pinabayaan. 22Kun minalimos kita sa dukha, pinapahalagahan iyan nin Kagurangnan arog sa sarong mahalagang singsing. An pagkanimaboot nin sarong tawo para sa saiya nakakaarog an halaga sa buhay mismo. 23Sa maabot na panahon, huhukoman nin Kagurangnan an maraot asin papadusahan niya; aakoon ninda an maninigo sainda. 24Alagad tutugotan nin Kagurangnan na makabalik saiya an mga nagsosolsol. Danay niyang pinapakosog an boot kan mga tawong nawawaraan nin paglaom.
Pag-apod tanganing Magsolsol
25Dolok kamo sa Kagurangnan, asin bayae nindo an saindong kasalan. Magpamibi kamo nin tudok sa puso na tabangan kamong mamuhay nin mas marahay na pagkabuhay. 26Magbalik kamo sa Kahorohalangkawe asin talikodan nindo an kasalan. Kaongisan nanggad nindo an karatan. 27Pwedeng magpasalamat sa Kagurangnan an mga nabubuhay, alagad makakapag-awit pa daw nin pag-omaw an idtoon na sa kinaban kan mga gadan? 28An sarong tawong buhay saka marahay an hawak pwedeng mag-awit nin mga pag-omaw sa Kagurangnan, alagad an gadan na, an sarong dai na nabubuhay, mayo nin paagi tanganing magpasalamat saiya. 29Gurano kadakula an pagkaherak nin Kagurangnan sa mga tawong minapaampon sa saiya! 30Alagad bako iyan an naturalesa nin mga tawo;#17:30 Alagad…mga tawo; o Dai pwedeng masadirihan nin tawo an gabos. mayo nin saro man sa sato an dai magagadan. 31Dai nin makakaarog sa liwanag kan aldaw, alagad maski an liwanag na iyan dai nahihiling kun eklipse. Gurano kadali para sa isip nin tawo na matahoban kan karatan! 32Pwedeng atamanon kan Kagurangnan an gabos na bitoon sa kalangitan, alagad an gabos na tawo alpog asin abo sana.
Currently Selected:
Sirac 17: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.