Salmo 6
6
Pamibi sa Panahon nin Kahorasaan#AN TITULO KAINI SA HEBREYO: Sarong salmo ni David.
1 Kagurangnan, hare ako pagsagwea sa saimong kaanggotan;
sa labi-labi mong kaanggotan, dai mo ako pagpadusahan.
2Ako napapagal, Kagurangnan, saimong kaherakan;
bolonga ako, Kagurangnan, an sakong hawak nasasakitan.
3An kalag ko nasa makuring kahorasaan;
Kagurangnan, sagkod nuarin ka maghahalat nganing ako tabangan?
4Madya, Kagurangnan, ligtasan an sakong buhay,
huli kan pagkamoot mo na daing kataposan.
5Sa lugar nin mga gadan dai ka nagigiromdoman;
sa Sheol#6:5 SHEOL: Hilingon sa Glosaryo sa kataposan kan libro. siisay an matao saimo nin kaomawan?
6Napapagal na ako sa kaaagrangay;
barubanggi dumog sa luha an sakong higdaan;
natutomtom sa luha an sakong ulonan.
7Nagdidiklom an mga mata ko huli sa kamondoan;
nanluluya ini huli kan sakong mga kaiwal.
8Humarayo kamo sako, mga paragibo nin karatan!
An sakong pagtangis dinadangog nin Kagurangnan.
9Dinadangog nin Kagurangnan an sakong pakimaherak;
an sakong pamibi saiyang sinisimbag.
10An sakong mga kaiwal masosopog sa pagkadaog,
sa biglang pagkaribong sinda masiribog.
Currently Selected:
Salmo 6: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
