Salmo 4
4
Pamibi sa Pagkabanggi#AN TITULO KAINI SA HEBREYO: Sarong salmo ni David.
1Simbaga ako kun ako mag-apod,
O Dios, sakuyang katanosan!
Tinabangan mo ako kan ako nasa kasakitan.
Kaheraki ako ngunyan asin dangoga an sakong pamibi.
2Sagkod nuarin nindo ako sosopogon, O mga tawo?
Sagkod nuarin nindo mamomotan an mayong halaga,
asin hahanapon an kaputikan?
3Giromdoma na pinili nin Kagurangnan para saiya an mga banal;
dinadangog ako nin Kagurangnan kun siya sakong inaapodan.
4Matakot kamo saiya asin dai magkasala;
sa katoninongan maghorophorop kamo sa saindong mga higdaan.
5Magdolot nin maninigong mga atang,
asin magsarig kamo sa Kagurangnan.
6Dakul an nagsasabi,
“Makahiling logod kami nin mga karahayan!
Hilinga kami na may pagkaherak, O Kagurangnan!”
7Itinao mo sakuya an dakulang kaogmahan
labi pa kan ogma na saindang namatean
kan dakul na arak saka trigo an saindang nakamtan.
8Sa katoninongan ako mahigda dangan matorog;
huli ta ika sana, O Kagurangnan, an minapaerok sako sa katiwasayan.
Currently Selected:
Salmo 4: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
