Salmo 3
3
Pamibi sa Pagkaaga#AN TITULO KAINI SA HEBREYO: Sarong salmo ni David pakadulag niya sa saiyang aki na si Absalom.
1Kadakul kan sakong mga kaiwal, Kagurangnan;
dakul an minabangon tumang sako!
2Dakul an minasabi manongod sako:
“Dai siya tatabangan nin Dios.”
3Alagad ika, Kagurangnan, an sakong kalasag;
sakuyang kamurawayan asin kagtao nin kosog.
4Minaagrangay ako nin makosog sa Kagurangnan;
minasimbag siya hale sa saiyang banal na bulod.#3:4 BANAL NA BULOD: Pakihiling sa 2:6.
5Minahigda ako asin minatorog;
giraray minabangon huli sa pangataman nin Kagurangnan.
6Dai ako matatakot sa rinibong mga kaiwal,
na nakapalibot tumang sako.
7Bumangon ka, Kagurangnan! Ligtasan ako,
O sakuyang Dios!
Sinasampaling mo an mga kaiwal,
rinoronot mo an mga ngipon kan mga maraot.
8An kaligtasan hale sa Kagurangnan;
bendisyonan mo logod an saimong banwaan.
Currently Selected:
Salmo 3: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
