Salmo 2
2
An Hade na Pinili nin Dios
1Tadaw ta nag-iisip an mga nasyon nin pagtumang?
Tadaw ta nag-iisip an mga tawo nin mayong kamugtakan?
2Nagrerebelde an saindang mga hade,
nagbuburonyog an saindang mga pamayo tumang sa Kagurangnan
asin tumang sa hade na saiyang pinili.
3Olay ninda, “Putolon ta an gapos ninda sato,
haleon ta an sakal na ibinugtak sato.”
4Nagngingisi an nagtutukaw sa kalangitan;
pinagtutuya-tuya sinda nin Kagurangnan.
5Dangan sa kaanggotan, sinda saiyang pinatanidan,
asin pinatakot sinda sa saiyang labi-labing kaanggotan.
6Nagtaram siya, “Ibinugtak ko an sakong hade sa Sion, an banal kong bulod.”
7Ihahayag ko an dekreto nin Kagurangnan:
Nagtaram siya sako, “Ika an sakuyang aki,
ngunyan na aldaw nagin ama mo ako.
8Maghagad ka asin ipapamana ko saimo an gabos na nasyon,
ipapasadiri ko saimo an bilog na kinaban.
9Babarion mo sinda sa paagi nin sarong sugkod na lansang;
roronoton mo sinda siring sa sarong koron.”
10Kaya, mga hade, hinanyoga nindo an patanid na ini;
kamong mga pamayo nin kinaban, horophoropa an katukdoan na ini:
11Maglingkod kamo na may pagkatakot sa Kagurangnan;
12magtakig asin magduko kamo saiya; ta tibaad lumaad tolos an saiyang kaanggotan,
asin bigla kamong magadan.
Paladan an gabos na nagpapaampon saiya.
Currently Selected:
Salmo 2: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
