Salmo 1
1
AN ENOT NA LIBRO
(Mga Salmo 1–41)
An Totoong Kaogmahan
1Paladan an tawo na dai
nagsusunod sa hatol nin mga maraot,
na dai nagsusunod sa paarog nin mga parakasala
o dai nakikisumaro sa mga dai nagpapahalaga sa Dios.
2Alagad an saiyang kaogmahan nasa Katogonan nin Kagurangnan;
ini aldaw-banggi niyang pinag-aadalan.
3Siya siring sa sarong kahoy na nagtatalubo sa kataed nin tubig na nagbubulos,
na minabunga sa tamang panahon,
asin dai naaalang an mga dahon.
Minauswag siya sa gabos niyang gibo.
4Alagad bakong siring kaini an mga maraot;
siring sinda sa ata na pinapalid kan doros.
5Kaya an mga maraot dai makakatindog sa paghukom,
ni an mga parakasala sa katiriponan kan mga matanos;
6huli ta aram nin Kagurangnan an dalan kan mga matanos,
alagad an dalan kan mga maraot mapapahamak.
Currently Selected:
Salmo 1: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
