Salmo 146
146
Pag-omaw sa Dios na Paraligtas
1Omawon an Kagurangnan!
Kalag ko, omawon mo an Kagurangnan!
2Oomawon ko siya mantang ako buhay;
aawitan ko an sakong Dios sa bilog kong buhay.
3Dai ka magsarig sa mga prinsipe,
ni sa sarong tawo na dai makakatabang.
4Kun sinda magadan, mabalik sinda sa alpog;
sa aldaw na iyan, an gabos nindang plano matatapos.
5Maogma an tawo na an tabang iyo an Dios ni Jacob,
na an paglaom yaon sa Kagurangnan na saiyang Dios.
6Sa Dios na Kaglalang kan langit asin daga,
kan dagat asin kan gabos na yaon sa mga ini.
Danay niyang inootob an saiyang mga panuga;
7minapahiling siya nin hustisya sa inaapi;
minatao nin kakanon sa nagugutom.
Pinapatalingkas nin Kagurangnan an mga bilanggo;
8asin tinatawan nin pakahiling an mga buta.
Binabangon niya an mga napadungkal;
namomotan niya an mga matanos.
9An mga dayuhan sinusurog nin Kagurangnan,
an mga ilo asin balo saiyang tinatabangan,
alagad rinaraot niya an mga plano kan mga tampalasan.
10An Kagurangnan hade sagkod pa man.
An saimong Dios, O Sion, maghahade sa panahon na daing kasagkoran.
Omawon an Kagurangnan!
Currently Selected:
Salmo 146: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
