Salmo 142
142
Pamibi Tanganing Tabangan#AN TITULO KAINI SA HEBREYO: Sarong tula nin David kan yaon siya sa laog nin Lungib; sarong pamibi.
1Minaagrangay ako sa Kagurangnan,
nakikimaherak ako saiya tanganing tabangan.
2Dinadara ko saiya an gabos kong hinanakit;
ipinapahayag ko saiya an gabos kong sakit.
3Kun maluya na an sakong espiritu,
aram niya an gigibohon ko.
Sa dalan na sakong pinaglalakawan,
igwang itinagong litag para sako an sakong mga kaiwal.
4Nagkiling ako sa too ko,
alagad mayo nin matabang sako.
Mayo nin masurog sako,
mayo nin nagmamakulog sako.
5Minaagrangay ako saimo, Kagurangnan;
ika, Kagurangnan, an sakong pailihan,
sakong kahirasan sa daga nin mga buhay.
6Dangoga an sakong inagrangay,
huli ta ako nasa kairaroman nin kasakitan.
Ligtasan ako sa mga nagpapasakit sako,
huli ta orog na makosog sinda sako.
7Haleon mo ako sa bilanggoan,
nganing magpasalamat ako sa saimong ngaran!
Papalibotan ako kan mga matanos,
huli ta karahayan an ipapahiling mo sako.
Currently Selected:
Salmo 142: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
