Salmo 140
140
Pamibi Tanganing Surogon#AN TITULO KAINI SA HEBREYO: Sarong salmo ni David.
1Ligtasan ako, Kagurangnan,
sa mga maraot na tawo;
ingati ako sa mga tulisan.
2Danay sindang nag-iisip nin karatan,
danay na nagpopoon nin iriwal.
3Matarom an saindang dila siring kan sa halas;
marara an saindang tataramon siring sa kamandag kan kobra.
4Likayan ako, Kagurangnan, sa kamot kan mga tampalasan;
ingati ako sa mga tulisan
na naghuhumot na ako mapadungkal.
5Mga mapaabaw-abaw nagbugtak nin litag para sako;
nagbugtak sinda nin mga siod
sa dalan na sakong aagihan.
6Nagsabi ako sa Kagurangnan, “Ika an sakuyang Dios.”
Kagurangnan, dangoga an tingog nin sakong pakimaherak!
7 Kagurangnan, sakong Kagurangnan, makosog na paraligtas!
Sinurog mo ako sa aldaw nin pakilaban.
8 Kagurangnan, hare pagtawan an mga kamawotan kan mga tampalasan;
hare papangyariha an saindang kaisipan.
9Dai man logod manggana an sakong mga kaiwal;
humugpa logod sainda an karatan na saindang itinaram.
10Mga nagkakalayong baga humugpa logod sainda;
mahulog logod sinda sa kalot asin dai na makahawas.
11An paralibak dai logod mapamugtak sa daga;
abotan logod nin karatan asin magadan an mga tulisan.
12 Kagurangnan, aram kong tinatabangan mo an mga nasasakitan;
asin an mga daing sukat tinatawan mo nin katanosan.
13Oomawon nanggad kan mga matanos an saimong ngaran;
asin mag-eerok sinda sa saimong atubang.
Currently Selected:
Salmo 140: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
