Salmo 138
138
Pamibi nin Pasasalamat#AN TITULO KAINI SA HEBREYO: Ni David.
1Pinapasalamatan taka, Kagurangnan, sa bilog kong puso;
sa atubang kan mga dios inaawit ko an saimong kaomawan.
2Minaduko ako sa atubang kan
saimong banal na Templo
asin minaomaw kan saimong ngaran,
huli kan danay mong pagkamoot asin kaimbodan;
huli ta an saimong ngaran asin tataramon ginibo mong halangkaw sa gabos.
3Kan mag-agrangay ako saimo, nagsimbag ka;
huli kan saimong kosog, pinakosog mo ako.
4 Kagurangnan, oomawon ka kan gabos na hade sa kinaban,
huli ta nadangog ninda an saimong mga itinaram.
5Mag-aawit sinda kan saimong mga ginibo
asin kan saimong dakulang kamurawayan.
6Huli ta maski ika yaon sa kaitaasan,
an mapakumbaba saimong inaataman,
alagad an mapaabaw-abaw, maski sa harayo saimong namimidbidan.
7Maski ako maglakaw sa tahaw nin kasakitan,
iniingatan mo an sakong buhay;
linalabanan mo an mga anggot kong kaiwal,
asin iliniligtas mo ako huli kan saimong kapangyarihan.
8Ootobon nin Kagurangnan an katuyohan niya para sako;
Kagurangnan, an saimong pagkamoot mayo nin kataposan.
Taposon mo an trabaho na saimong pinonan.
Currently Selected:
Salmo 138: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
