Salmo 137
137
Panambitan kan Itinapok na mga Israelita
1Sa tampi kan mga salog nin Babilonia kami
nagturukaw asin nagtarangis,
kan magiromdoman mi an Sion.
2Sa mga kahoy na harani duman,
isinabit mi an samong mga lira.
3Huli ta pinirit kami kan mga nagbihag samo na sinda samong awitan.
Olay ninda, “Awitan nindo kami nin saro kan mga awit nin Sion!”
4Paano mi aawiton an awit nin Kagurangnan
sa dayuhan na daga?
5Kun malingawan taka, O Jerusalem,
maalang logod an too kong kamot!
6Dumukot logod an dila ko sa sakong ngaragngag,
kun dai taka magiromdoman;
kun dai taka isipon bilang nangongorog kong kaogmahan.
7Giromdoma, Kagurangnan, an ginibo kan mga Edomita
kan aldaw na mabihag an Jerusalem,
kan sinda magtaram, “Rumpagon, rumpagon,
sagkod sa mga pundasyon!”
8O Babilonia, pararumpag!
Paladan an mabalos saimo kan ginibo mo samo.
9Paladan an makua kan saimong mga omboy,
asin maronot sainda sa gapo!
Currently Selected:
Salmo 137: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
