Salmo 131
131
Pamibi nin Mapakumbabang Pagsarig#AN TITULO KAINI SA HEBREYO: Ni David.
1 Kagurangnan, pinabayaan ko an sakong kapalangkawan
asin tinalikodan ko na an kapaabaw-abawan.
Dai na ako nakikiaram sa darakulang mga bagay
asin sa mga makangangalas para sako.
2Nag-alo na ako asin nagtoninong.
Siring sa sarong aki na matoninong sa daghan nin saiyang ina,
matoninong man an sakong puso.
3O Israel, magsarig ka sa Kagurangnan,
ngunyan asin sagkod pa man!
Currently Selected:
Salmo 131: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
