Salmo 130
130
Pamibi Tanganing Tabangan
1Hale sa kairaroman
minaagrangay ako saimo, Kagurangnan!
2Kagurangnan, dangoga an sakong tingog!
Hinanyoga an sakong mga pakimaherak!
3 Kagurangnan, kun itinala mo an mga kasalan,
siisay an matagal, Kagurangnan?
4Alagad yaon saimo an pagpatawad,
tanganing ika samong katakotan.
5An kalag ko naghahalat kan tabang nin Kagurangnan;
an saiyang tataramon iyo an sakong linalaoman.
6Naghahalat ako sa Kagurangnan,
orog pa sa mga bantay na naghahalat kan kaagahon,
kan mga bantay na naghahalat kan kaagahon.
7O Israel, maglaom ka sa Kagurangnan!
Huli ta nasa saiya an danay na pagkamoot,
asin an kapanoan nin kaligtasan.
8Tutuboson niya an banwaan nin Israel
sa gabos nindang kasalan.
Currently Selected:
Salmo 130: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
