Salmo 129
129
Pamibi tumang sa mga Kaiwal nin Israel
1O Israel, sabihi kami kun paano ka pinasakitan
kan saimong mga kaiwal poon kan ika aki pa.
2“Makuri akong pinasakitan kan sakong mga kaiwal poon kan ako aki pa,
alagad dai ninda ako nadaog.
3Siring sa mga paraarado, linugad ninda an sakong likod;
hararom an nagin mga lugad ko.
4Alagad matanos an Kagurangnan;
pinatalingkas niya ako hale sa kaoripnan.”
5Magkasoropog logod asin magsiribog
an gabos na naoongis sa Sion.
6Makaarog logod sinda sa doot na nasa atop,
na naaalang bago makatalubo;
7dai iyan tinitipon nin siisay man
o binubugkos tanganing darahon.
8Mayo sa mga minaagi an nagsasabi sainda,
“Bendisyonan ka logod nin Kagurangnan!
Benebendisyonan mi ika sa ngaran nin Kagurangnan!”
Currently Selected:
Salmo 129: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
