Popular Bible Verses from Salmo 1

Share

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios. Alagad an saiyang kaogmahan nasa Katogonan nin KAGURANGNAN; ini aldaw-banggi niyang pinag-aadalan.

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

huli ta aram nin KAGURANGNAN an dalan kan mga matanos, alagad an dalan kan mga maraot mapapahamak.